Allen den ghene(n) (et)c(etera) doen te wetene dat opden dach va(n) hede(n)/ voir ons comen es jan helsschevier onse ingesete(n) poerte(r) en(de) heeft/ ald(aer) in behoerlik(er) vorme(n) en(de) manie(re)n soe dat nae recht best diene(n)/ mach en(de) behoe(re)n volcomelic gemechticht gesedt geordineert en(de)/ ge(con)stitueert en(de) met desen l(ette)ren v(er)mechticht sett ordineert en(de) (con)stitueert/ sond(er) wed(er)roepen wille(m)me helsschevier sine(n) na(tur)like(n) sone alsulke(n)/ mudde rox d(er) mate(n) van loeven(e) lijfpens(ien) alle ja(r)e opden xv[te(n)] dach d(er)/ mae(n)t van julio te bet(alen) als de vors(creven) jan met scepen(en) brieve(n) van lov(ene)/ ten live des vors(creven) willems sins soens heeft en(de) houden(de) is aen en(de)/ op zeke(re) goede en(de) ond(er)pande div(er)se p(er)sone(n) toebehoe(re)nde inde p(ro)chien/ van zichne(n) en(de) va(n) beckevoert gelegen gelijc de scep(enen) brieve va(n) lov(ene)/ d(aer) op gemaect int jair xiiii[c] xl xv dage in julio dat voird(er)/ inhouden en(de) beg(ri)pen Te eisschene te manen(e) opte buerene en(de)/ inne te heffene de possesseurs vande(n) vors(creven) ond(er)pande en(de) eene(n)/ iegelike(n) and(er)s die(n) dat aengae(n) mach quitan(cie) te gevene en(de) voir/ gebrec [van betalinge(n)] d(er) selv(er) lijfpens(ien) aen en(de) op de goede en(de) ond(er)pande d(er) selv(er)/ te pandene en(de) te dagene en(de) alle ande(re) vorderinge va(n) rechte/ d(aer) op voert te kerene en(de) die ten ynde uut mette(n) rechte te/ v(er)volgene en(de) alle tgene d(aer) inne te doene en(de) te vorde(re)n inde(n)
//
rechte en(de) d(aer) buyten gelijc de vors(creven) jan helschevier selve doen/ soude oft doen mochte waert dat hij p(er)sonelic tegewordich/ wa(r)e geloven(de) de vors(creven) jan helschevier vast en(de) va(n) weerden/ te houden en(de) te hebbene so wes bide(n) vors(creven) wille(m)me sine(n) sone/ d(aer) inne en(de) des d(aer) aen cleve(n) mach gedaen en(de) gevord(er)t sal worde(n)/ in enig(er) manie(re)n alle argelist d(aer) inne uutgesceid(en) ja(nua)[rii] xiiii