It(em) her willem van halleer rydde(r) heeft ghelooft henricke/ haenkenshoet bynne(n) den iiii paeschdaghen nu naestc(omende) te/ vernuegen(e) ende te betalen(e) van alsulken xviii rijd(er)s als den/ selven henricke vyelen ende v(er)schenen xviii daghe in meerte/ lestleden uut ocsuyne van dyen xviii rijd(er)s lijfpen(sien) die de voirs(creven)/ henrick met scepen(en) brieven van loven(e) tot sine(n) live ende ten/ live jans haenkenshoet sijns natuerlix zoens jairlix heeft/ ende houden(de) es op zeke(re) goede ende onderpande jonch(e)r goorts/ van coursworm inde p(ro)chie van ha(n)nuyt ende dair omtrent gelegen/ Ende dair vore de voirs(creven) h(er) willem van halleer p(er)sonelick insgelijx/ met scepen(en) brieve(n) van loven(e) v(er)bonden steet oft ten selve(n) tijde/ te loven(e) in e(n)nighe vanden vroente(n) inne te comen(e) ende aldair/ te bliven(e) op sine(n) cost zonder vandair te scheyden(e) in e(n)nig(er) manie(re)n/ hij en sal tyerst den voirs(creven) henricke dair aff voldaen ende ge(con)te(n)tert/ hebben met alle coste ende co(m)me(r) cor(am) meld(er)t vyncke febr(uarii) vii