Cont zij alle(n) lieden dat weyn stercke nu t(er) tijt meest(er) vand(er) poerte(n) va(n)/ velpe als p(ro)cur(eur) des abts en(de) co(n)vents scloest(er)s va(n) vileer in p(rese)nc(ia)/ d(er) scepen(en) van loven(e) gestaen heeft uutgegeve(n) en(de) beki(n)t dat hij uut/ gegeve(n) heeft inde(n) name en(de) va(n) weghe(n) desselfs cloest(er)s wille(m)me peet(er)s/ den jonge(n) sone wille(m) willems peet(er)s wonen(de) te glabbeke thoff/ te velpe den vors(creven) cloeste(r) toebehoe(re)nde mette(n) huysinge(n) hi(er) nae bescr(even)/ Te wete(n) dv(or)enhuys mett(er) groet(er) schue(re)n dove(n)huys de stellinge(n) staen(de)/ voe(r) dwoenhuys de sceperie staen(de) aende(n) pinte t(er) strate(n) wert tot/ aen sabs schue(r) ald(aer) welke schue(r) de selve abt oft de meest(er) va(n)/ velpe te hemwert behoude(n) sal behoud(elic) dat de vors(creven) wi(n)ne inde/ vors(creven) groete schue(r) egeene beeste(n) stelle(n) en sal moge(n) metgad(er)s/ den wynnen(de) lande(n) d(aer) toe behoe(re)nde metten beemden eeusselle(n) en(de)/ weyen h(ier) nae bescr(even) Inde(n) iersten te weten die twee d(er)degedeelten/ vanden beemde geheten den beemt te roesbeke gelege(n) tussche(n) den/ molenbeemt en(de) den beempt die bellens vand(er) linde(n) was strecken(de)/ tot opde strate gaen(de) t(er) moele(n)wert gelik(er)wijs wille(m) keye die/ gehoude(n) heeft d(aer) af tvors(creven) cloest(er) dand(er) derdel behult te wete(n)/ dat terdel dat gelege(n) is te molenbeemde wert It(em) den bog(ar)t/ acht(er) die groete schue(r) gaen(de) tot aen deeusselle die ja(n) de/ mu(n)tre houden(de) is It(em) die droege eeusselle gehete(n) de formorie/ alsoe sij nu inne geslagen sijn uut gesceide(n) dat eeusel dat/ wille(m) keye dede uutslaen opt ned(er)ste ynde vand(er) formorie(n)/ dwelc de selve niet t(er) weyen houden en sal m(aer) dat bringe(n)/ te lande en(de) te lande wynne(n) gelijc den and(ere)n wynnen(de) landen/ vors(creven) It(em) sal noch de selve wynne hebbe(n) den coebeemt gelege(n)/ aenden bruel tussche(n) dbloc dat jan de mu(n)tre houdt en(de) tussche(n)/ tdroege eeussel dat voe(r) de smisse te mulstede leeght desgelijx/ sal de selve wy(n)ne noch hebbe(n) de weye vande(n) scouten/ broeke behoud(elic) dat hij dat wel bevrede(n) sal voe(r) ande(re)/ vremde beeste(n) desgelijx sal hij nog hebbe(n) die weye/ vandes vors(creven) cloest(er)s bossche(n) te wete(n) quackelberghe craye(n)bosch
//
fromo(n)t ducmeer den nuwe(n)bossch en(de) portbosch o(m)me die te ettene/ behoud(elic) dat sijn p(er)de(n) d(aer) op niet gaen en moge(n) den houw en sij tierst/ out iiii jair noch zijn hore(n)vee den houw en sij tierst out v jaer ende/ niet eer Te houdene en(de) te hebbene van half m(er)the naestcomen(de)/ eene(n) t(er)mijn va(n) xii jare(n) lang due(re)nde deen nae dand(er) sond(er) middel/ volgen(de) elx jaers dae(re)nbinne(n) te wetene die wynnen(de) lande t(er)/ helicht ende de vors(creven) beemde(n) eeusselle(n) en(de) weyen alle ja(r)e den selve(n)/ t(er)mijn due(re)nde voe(r) en(de) o(m)me xxxvi rins gul(denen) van goude goet en(de) gi(n)ge/ oft die weerde d(aer) af half sinte m(er)tensmissen en(de) half te inne ganc/ meye d(aer) nae volgen(de) te bet(alen) den vors(creven) cloeste(r) van vileer oft/ sine(n) p(ro)cur(eur) in tijde(n) zijnde den vors(creven) t(er)mijn due(re)nde q(uolibet) ass(ecutu)[m] opde/ vurw(er)d(en) en(de) (con)dicie(n) h(ier) nae bescr(even) Inde(n) ierste(n) dat de vors(creven) wynne/ jarlix sine(n) tijt due(re)nde den couthe(r) voir tvors(creven) hof ten behoerlike(n)/ tijde(n) wel en(de) loflic winne(n) en(de) werve(n) sal gelijc erdwynne(n) en(de)/ regenoete(n) sculd(ich) sijn te wynne(n) en(de) dwint(er) core(n) jarlix besaye(n) op/ iiii getidege vore(n) en(de) tsom(er)coren op iii getidege vore(n) en(de) allet dmest/ dat binne(n) den vors(creven) hove gemaect sal worde(n) opde vors(creven) lande/ vue(re)n ot hue(re)n meeste(n) p(ro)fijte en(de) d(aer) sijs meest behoeve(n) sullen en(de) te/ doen hebben It(em) soe wa(n)neer tvors(creven) core(n) jairlix te velde tijtv(er)dich/ en(de) rijp sijn sal dat sal de wi(n)ne tot sijnd(er) cost afdoen en(de) inden bant/ leve(re)n en(de) dat opde velde deile(n) It(em) tselve core(n) inden bant sijnde en(de)/ te gade(r) gedrage(n) so sal alsd(an) de wi(n)ne altoes dierste voed(er) vue(re)n indes/ vors(creven) cloest(er)s schue(r) en(de) d(aer) nae dat and(er) voed(er) in sijn schue(r) en(de) alsoe/ voert tot tselve core(n) al inne is en(de) tvors(creven) cloest(er) sal sijn/ helicht doen dersschen en(de) d(aer) af sal de wi(n)ne hebbe(n) caf en(de) stroe/ behoud(elic) dat hij dat stroe te meste bringe(n) sal en(de) dat opt vors(creven)/ lant vue(re)n gelijc vors(creven) is en(de) h(ier) voe(r) sal de wi(n)ne tot sijnd(er) cost/ leve(re)n allet coren en(de) greyn comen(de) vande(n) gedeelte des vors(creven) cloest(er)s/ tot loeven t(er) plaetsen d(aer) dat den selve(n) cloeste(r) gelieve(n) sal en(de)/ dan sal de wi(n)ne voir hem en(de) sine(n) knape te loven den mont/ cost hebben en(de) and(er)s niet It(em) de vors(creven) wynne sal hebbe(n) tot
//
It(em) de vors(creven) wynne sal hebbe(n) tot sine(n) v(er)doene den winhof staen(de)/ tusschen de vors(creven) schue(r) die tvors(creven) cloest(er) behoud(en) heeft en(de) den bog(ar)t/ ald(aer) en(de) den winhof staen(de) acht(er) dwat(er) inden selve(n) bog(ar)t o(m)me dien te/ bevruchtene soe hem dat gelieve(n) sal en(de) des sal tvors(creven) cloest(er) d(aer)/ tegen hebbe(n) tot sinen v(er)doene dwat(er) staen(de) inden selve(n) bog(ar)t den/ winhof staen(de) tusschen de groete schue(r) en(de) scloest(er)s wermoes hof/ It(em) den hof gehete(n) den poerthof comen(de) aende strate acht(er) den bog(ar)t toebehoren(de)/ den meest(er) va(n) velpe It(em) den puthof acht(er) die sceperie welke iii/ hoeve(n) vors(creven) de vors(creven) wi(n)ne tot sine(n) coste den selve(n) cloeste(r) sculd(ich) sijn/ sal wel en(de) loflic te wynne(n) en(de) te werve(n) en(de) oic te meste(n) gelijc/ sijns selfs ii hoeve(n) vors(creven) en(de) de vruchten vanden selve(n) iii hoeve(n) des/ vors(creven) cloest(er)s comen(de) indes vors(creven) cloest(er)s schue(r) vue(re)n d(aer) af de wi(n)ne/ hebbe(n) sal caf en(de) stroe d(aer) af comen(de) gelijc vors(creven) is It(em) sal noch de/ vors(creven) wynne oic jarlix voe(r) uut hebbe(n) opden couthe(r) inde storte/ ii boend(er) lants dieme(n) hem bewise(n) sal [niet vande(n) erchste(n) noch vande(n) beste(n)] o(m)me d(aer) op voesterie te/ wynne(n) het sij crucke(n) oft erweten It(em) allet doeft jarlix inden vors(creven)/ bog(ar)t wassen(de) en(de) opde grechten die de vors(creven) wynne houden(de) is/ die sulle(n) de selve wynne en(de) tcloest(er) met gad(er)s de wyntvalle half/ en(de) half deile(n) en(de) dat te gelike(n) coste doen lesen en(de) t(er) eerden leve(re)n/ desgelijx sulle(n) sij te gelike hebben deilen en(de) doen slaen die/ ii noetboeme staen(de) tege(n) des wi(n)ne(n) stalle en(de) tdofhuys It(em) de/ wynne en sal egeend(er)hande oeftboeme(n) moge(n) afhouwe(n) noch/ struncke(n) dan bij (con)sente des vors(creven) cloest(er)s It(em) mach de selve wi(n)ne/ houwen haghen en(de) vorlen en(de) vorlen en(de) eyken en(de) ande(re) boeme(n)/ struncken soe v(er)re die gestrunct [hebbe(n)] geweest staen(de) o(m)megaens d(er)/ formorie(n) en(de) den couthe(r) alsoe v(er)re tvors(creven) cloest(er) sijn wynni(n)ge opde(n)/ couthe(r) heeft Desgelijx sal de selve wi(n)ne moge(n) struncke(n) deyke(n)?/ staen(de) inden vors(creven) coebeemt opde zijde ten hove weert en(de) [sonder] opde/ zijde ten droege(n) eeusselle wert ald(aer) hij egeen recht van enige(n) struncken/ hebbe(n) en sal noch behoude(n) sal voert de selve wy(n)ne inde(n) vors(creven) bog(ar)t/ hagen en(de) struncke(n) strunckhout moge(n) houwe(n) en(de) struncke(n) It(em) en sal/ de vors(creven) wynne tege(n) des vors(creven) cloest(er)s bossche egeen hagen houwen
//
noch strunchout struncke(n) noch oic desgelijx inde bossche(n) te weten/ o(m)megaens crayenbosch o(m)megaens quackelb(er)ge o(m)megaens fromo(n)t/ o(m)megaens ducmeer o(m)me portbosch en(de) nuwe(n)bosch m(air) op scoute(n)broec/ mach de selve wynne hage(n) houwe(n) en(de) strunckhout struncke(n) alsoe v(er)re/ die bi(n)ne(n) scoute(n)broec niet en staen te wete(n) die haghe benede(n)/ den aenhouw va(n) aen fromo(n)t o(m)megaens den aenhouw tot aendes/vors(creven) cloest(er)s bosch va(n) betlehem en(de) des sal de selve wynne tot/ sijnd(er) cost sculd(ich) sijn te vredene ov(er) al d(aer) hij hout strunct en(de)/ haghen hout alsoe dat tcloest(er) va(n) vileer vors(creven) d(aer) bij egeen scade/ en lide It(em) sal voert de vors(creven) wynne alle jare met sine(n) wagen en(de) p(er)den/ halen c voed(er) wit m(er)gels opde cuyte te love(n)joel oft te bierbeke/ d(aer)t den vors(creven) cloeste(r) gelieve(n) sal en(de) dien selven m(er)gel opden vors(creven)/ couthe(r) breyen ten meesten p(ro)fijte des sal tselve cloest(er) den selve(n) m(er)gel/ opde cuyte betalen En(de) ofts de wynne meer haelde dan c voed(er)/ en(de) opden couthe(r) breyt dien sal tcloesst(er) opde cuyte bet(alen) en(de) voir elc/ voed(er) den wynne voir sijn vracht geve(n) een molevat evene(n) oft/ voir elc molevat eene(n) lieliaert d(aer) af tcloest(er) sinen koese sin heeft/ Es voirt vurw(er)de oft de vors(creven) wynne enich lant mett(er) groefgaffele(n)/ opden vors(creven) couthe(r) graefde oft dade g(ra)ven dat sal hem tvors(creven) cloest(er) half/ bet(alen) en(de) dat corten aen sijn weyghet behoud(elic) dat den selven/ cloeste(r) half de vruchten van dien volgen sulle(n) en(de) toebehoe(re)n It(em) es/ voirt vurw(er)de dat alsoe vele roggen stroes als de wi(n)ne coepe(n) sal/ o(m)me d(aer) af mest te makene dat sal hem tcloest(er) half bet(alen) en(de) hem/ dat corten aen sijn weygelt behoud(elic) dat de wynne dat tot/ sijnd(er) cost halen sal en(de) opde vors(creven) lande vue(re)n Sal voert de vors(creven)/ wynne den vors(creven) cloeste(r) jarlix vue(re)n ten voir een voed(er) hoeys/ vandes selfs cloest(er)s beemde(n) van roesbeke tot loeven wert indes/ selfs cloest(er)s herberghe en(de) desgelijx noch i voed(er) hoeys va(n) roesbeke/ tot velpen int hoff It(em) sal de vors(creven) wi(n)ne jarlix [iii daghe] op sine(n) cost den meest(er)/ van velpe [voir sijn berri(n)ge] sculd(ich) sijn hout te halene en(de) te vuerene vande(n) bosschen/ ald(aer) tot int hof te velpen Sal voert de selve wynne jarlix/ met sine(n) wagen(en) en(de) p(er)den den vors(creven) cloeste(r) va(n) vileer doen iii carweyen/ elc carweye van eene(n) daghe Sal voert de selve wynne jarlix
//
den meest(er) van velpe wynte(re)n en(de) zome(re)n iii melc coeyen gelijs sijns/ selfs coeyen en(de) desgelijx den selven meest(er) jarlix herden iii verkene m(air)/ deselve meest(er) sal den verkene selve vueden It(em) soe wa(n)neer de/ wynne enige driessche breet es vurw(er)de dat de selve wynne/ d(aer) af dierste vrucht tricken sal sond(er) den cloeste(r) oft yeman(de) and(er)s/ d(aer) af te deilene en(de) die gebroken sijnde sal de selve wynne/ die voert blive(n) wynnen(de) gelijc den and(ere)n landen sine(n) tijt due(re)nde/ Sal voert de selve wynne tot sijnd(er) cost jarlix in elken aert gehoude(n)/ sijn te brekene i boend(er) lants tot dat al inne gebroke(n) is en(de)/ dat wynne(n) en(de) blive(n) wynnen(de) gelijc vors(creven) is It(em) es ond(er)sproke(n) oft/ de wynne enich mest coept dat sal tcloest(er) half bet(alen) en(de) den/ wynne dat corte(n) aen sijn weygelt behoud(elic) dat de wynne dat/ tot sijnre cost opde vors(creven) lande vue(re)n sall tot hue(re)n meesten p(ro)fijte/ Sal voert de vors(creven) wynne op sine(n) cost jarlix opde vors(creven) goede/ planten en(de) setten l poten so willige so popele(re)n ten meesten p(ro)fijte/ vanden selven goeden It(em) sal de wi(n)ne tot sijnd(er) cost sculd(ich) sijn in houdene/ alle de huysinghe vanden vors(creven) goede(n) vand(er) middelster rikele(n) ned(er)wert va(n)/ mue(re)n en(de) va(n) wenden en(de) die sal tcloest(er) hem tot sine(n) aencome(n) also leve(re)n/ Sal voert de vors(creven) wi(n)ne op sine(n) cost va(n) sine(n) stroe jarlix de(n) vors(creven) cloeste(r)/ leve(re)n i voed(er) stroes in scloest(er)s h(er)berghe te lov(en) Sal voert de selve/ wynne alnoch jarlix leve(re)n van sine(n) stroe v[c] walms o(m)me int vors(creven)/ hof te v(er)deckene op datmens te doene heeft en(de) and(er)s niet Sal/ voert de vors(creven) wynne jarlix opden vors(creven) couthe(r) sayen (½) boender/ witt(er) erwete(n) en(de) groend(er) erweten te deilen half en(de) half tusschen/ hem en(de) den cloeste(r) en(de) dlant d(aer) toe gereiden Sal voert de selve wi(n)ne/ m(ijn) hee(re) den abt va(n) vileer en(de) den meest(er) va(n) velpe jarlix leve(re)n alsoe/ vele stroes als sij behoeve(n) sulle(n) tot velpe(n) o(m)me huer p(er)de(n) te stroye(n)/ It(em) oftme(n) inde(n) vors(creven) hove behoefde te plecke(n) d(aer) af es vurw(er)de dat/ de wynne tstroe totte(n) stroeyene vande(n) moerte(n) leve(re)n sal Es voirt/ vurw(er)de oft de vors(creven) wynne bij ongevalle dat hem aencome(n) mochte/ de vors(creven) pechtinge sijn jaerscha(r)en uut niet gehoude(n) en coste(n) dat dan/ de selve wynne d(aer) af sal moge(n) trecke(n) en(de) sceiden behoud(elic) dat hij dat/ den vors(creven) cloeste(r) een jair te voe(re)n condige(n) sal en(de) opsegge(n) en(de) dan
//
sal de wynne sculd(ich) sijn alle de lande besayt te latene met/ wynt(er) coerene en(de) som(er)corene Es voert vurw(er)de soe wa(n)neer/ enige pacht lande die and(ere)n wynne(n) uutgegeve(n) sijn va(n) svorscr(even)/ scloest(er)s weghe(n) bij uutgane vande(n) t(er)mijne wed(er)o(m)me inne/ quame(n) dat de vors(creven) wynne d(aer) af die naeste sijn sal o(m)me die/ te wynne(n) en(de) te werve(n) t(er) helicht gelijc den couthe(r) vors(creven) en(de) de/ vruchte(n) te deilene tusschen hem en(de) den cloeste(r) en(de) voert d(ae)mede/ te doene gelijc vanden and(ere)n goeden vors(creven) steet en(de) bevorwert is/ te gesciedene It(em) sal de wynne tot sine(n) afsceiden laten de vors(creven)/goede gelijc h(ier) nae bescr(even) steet te wete(n) den middelste(n) aert besayt/ op sijn getidege vore(n) met wynt(er)corene te wete(n) ii boend(er) t(ar)wen/ en(de) dande(r) met rogge de storte en(de) brake eens o(m)me gedae(n) en(de)/ dmest uuten hove gevuert opde vors(creven) lande also wale opde verste/ als opde naeste te(n) meeste(n) p(ro)fijte It(em) want de wynne tot sine(n)/ aencome(n) bevint ii boend(er) [lants] besayt met wouwe en(de) omtre(n)t (½)/ boend(er) [met] raepsaede soe sal hij [die] vanden goede(n) tot sine(n) afsceiden alsoe/vele goets d(aer) mede besayt late(n) vele goets d(aer) mede besayt/late(n) es vurwerde dat hij die tot sine(n) afsceid(en) alsoe late(n) sal/ It(em) want de selve wynne in p(re)ste vande(n) vors(creven) cloeste(r) ontfangen/ heeft in p(er)de in coeyen en(de) in and(ere)n haeflike(n) goede(n) de weerde va(n)/ lx gul(den) peet(er)s te xviii stuv(er)s stuc oft de w(eer)de d(aer) af Soe es vurw(er)de/ en(de) heeft geloeft de vors(creven) wynne den vors(creven) cloeste(r) die tot sine(n) afsceide(n)/ ind(er) selv(er) weerde(n) wed(er)o(m)me te leve(re)n en(de) te restitue(re)n q(uolibet) ass(ecutu)[m] En(de)/ alle dese vurwerd(en) en(de) (con)dicie(n) hebbe(n) geloeft de vors(creven) wynne in deen zijde/ en(de) de vors(creven) weyn va(n) wegen des vors(creven) cloest(er)s in dande(r) zijde malc(anderen)/ vast geste(n)tich en(de) omv(er)brekelic te houde(n) en(de) te voldoene q(uolibet) ass(ecutu)[m]/ H(ier) af sijn borgen des vors(creven) wynne(n) als p(ri)ncipael sculd(ere)n indi(vi)s(im)/ willem peet(er)s vad(er)s des vors(creven) wynne(n) wonen(de) te glabbeke henric/ peet(er)s brued(er) des vors(creven) willems wonen(de) te meensselle en(de) jan/ va(n) nyvelle wonen(de) te houthem en(de) daneel van sintruyden/ Et p(ri)mi duo insup(er) p(rim)[(us)] s(ecundu)[m] borchove(n) neus(nijdere) febr(uarii) xix/