Allen den ghene(n) die dese l(ette)ren zullen sien oft hoe(re)n lesen burg(ermeesteren)/ scepen(en) ende raed der stad van loven(e) saluyt met kennissen der/ wairheit doen te weten(e) dat opden dach va(n) heden voir ons come(n) es/ in p(ro)pren p(er)soene goort pierart onse ingheseten poirte(r) ende heeft/ gheconstitueert ghesedt ende volcome(n) macht ghegeve(n) willem(me) pierart/ sine(n) zone alle alsulken goede(n) chijsen renten erfpachte(n) lijfrente(n) jairgulde(n)/ ende schulde(n) den selve(n) goorde toebehoren(de) bynnen der stad [en(de) d(air) buyte(n)] van loven(e) te/ thienen te goetssenhove(n) ende dair omtrent ende elswair bynne(n) den/ lande van brabant ende men hem schuldich es oft naemaels wesen/ sall Te regeren(e) te manen(e) teysschen(e) op te bue(re)n ende tontfanghen/ aen wat goede(n) oft p(er)soene(n) oft te wat steden [oft plaetsen] dat dat sijn mach dair/ voe(r) te panden(e) te daghen(e) te beleyden(e) ende rastemente te doen leggen(e)/ nae ghewoente ende costume vand(er) plaetssen dair dat behoe(re)n sall/ oft behoeve(n) soude moghen Ende op dats noot ghebuerde voir alle/ richte(re)n gheestelick ende weerlick met rechte te vervolgen(e) te v(er)antw(er)den(e)/ te beschudden(e) ende te bedingen(e) die te wynnen(e) en(de) te verliesen(e) composicie/ ende mynlijke yffeninghe dair aff te maken(e) dan schulde(re)n van des hij/ ontfanghen sal hebben quijt te schilden quijt te schilde(n) ende quijtan(cie) te/ gheve(n) [en(de)] de [goede] wynnen(de) lande beempden [en(de)] eeusselen des vors(creven) goorts eene(n)/ t(er)mijn van xii jairen uut te gheven(e) te v(er)pachten(e) en(de) te v(er)hueren(e) En(de)/ voortaen g(e)n(er)alick ende sp(eci)alick allet ghene dair inne te doene ende/ te vorderen(e) dat de selve ghoort selve soude moghen doen wa(re)t/ dat hij ald(air) teghew(or)dich en(de) voir oeghen wa(r)e P(ro)mitten(s) rat(um)/ due(re)nde dese p(ro)curacie en(de) mechtich(eit) totte(n) wederroepen(e) des vors(creven)/ goorts en(de) niet lang(er) des torconde(n) (et)c(etera) martii s(e)c(un)da