Nae dien dat jan peet(er)s ingeseten poerte(r) van des(er) stat t(er) eenre/ zijden en(de) de besitte(re)n sdorps van langdorp in dande(r) zijde come(n)/ sijn voe(r) den rade vander stat ald(aer) de vors(creven) jan peet(er)s opdede/ seggen(de) dat sijn goede tot langdorp gelegen hem toebehoe(re)nde/ bij hem v(er)cregen mach hebben hog(er) inder beden worden gestelt en(de)/ getaxeert dan nae den loep van desen jare sculdich is te gesciedene/ nae der instruxie(n) Te wetene d(aer) hij gestaen soude met xv grote/ voir ii holl(ansche) gul(denen) soe es hem d(aer) voe(r) vele meer getaxeert/ en(de) oic van hem gehave(n) des hij e(m)mer meynde [dat] nae recht niet/ en behoerde aengesien dat hij voe(r) dovergeve(n) vand(er) beden/ en(de) lange te vore(n) alhier ingeseten poerte(r) was van des(er) stat/ bege(re)nde te mogen gestane gelijc ande(re) ingesetene vanden goeden/ steden en(de) bege(re)nde restitucie vanden bedesitte(re)n van des sij meer/ gehave(n) hebben Soe es get(er)mineert dat de vors(creven) jan peet(er)s gestaen/ sall te betalene (½) cromstert voir elken holl(ansche) gul(dene) en(de) va(n) alsoe/ vele hollan(sche) gul(denen) alsmen bevi(n)de(n) sal de vors(creven) goede bove(n) alle co(m)me(r)/ weert sijnde Actu(m) in pleno (con)silio en(de) dat de besitte(re)n hem/ restitucie sulle(n) doen van des sij dae(re)n bove(n) meer gehave(n) hebbe(n)/ Actu(m) in pleno (con)silio april(is) xxii