It(em) jan quaetherst sone lambrechs quaetherst wonen(de) te gheete/ in p(rese)nc(ia) d(er) scepen(en) van loven(e) gestaen heeft genome(n) en(de) bekint dat/ hij genome(n) heeft van ja(n)nesse de dond(er) inden name en(de) van/ weghen joffrouwe jehannen van assche en(de) inden name jonch(e)r/ jacops hee(re) van gheete huers soens dwinhof va(n) gheete met/ allen den wynnen(de) lande d(aer) toebehoe(re)nde Te houden te hebben/ en(de) te winnen van half m(er)the lest leden eene(n) t(er)mijn van viii jare(n)/ lanc due(re)nde deen nae dand(er) sond(er) middel volgen(de) elx jaers dae(re)n/ bynne(n) voe(r) en(de) o(m)me lxxxii mudde(n) harts corens gelijc opde vors(creven)/ lande wassen sal d(er) maten van gheete wel bereit met wa(n)ne/ en(de) met vloegelen sinte andriesmisse apostels te betalen en(de)/ te gheete binnen den vors(creven) hove te leve(re)n te weten deen/ helicht d(aer) af der vors(creven) joffrouwe(n) jehanne(n) oft hue(re)n rintm(eeste)r/ in tijden sijnde en(de) dand(er) helicht den vors(creven) jonch(e)r jacoppe/ oft den vors(creven) ja(n)nesse de dond(er) sinen rintm(eeste)r alle ja(r)e den vors(creven)/ t(er)mijn due(re)nde q(uolibet) ass(ecutu)[m] opde vurwerd(en) en(de) (con)dicie(n) h(ier) ond(er) bescr(even)/ Inden iersten dat de vors(creven) wynne de vors(creven) lande en(de) de aerde/ vanden selve(n) landen sal laten tsine(n) afsceid(en) gelijc hij die gevonde(n)/ heeft te sine(n) aencome(n) te weten den som(er)aert en(de) den wynt(er)aert/ besayt en(de) de brake eens o(m)me gedaen en(de) voert de selve lande/ jarlix sine(n) t(er)mijn due(re)nde wel en(de) loflic wynne(n) werve(n) en(de) besayen/ gelijc regenoete(n) bove(n) en(de) bened(en) en(de) de selve lande binnen sine(n)/ t(er)mijne tweewerf mesten en(de) m(er)gelen soe dat behoert Es voirt/ vurwerde in gevalle oft quade gewasse wa(r)en van coerne oft/ mesraken bij vele regens oft and(ere)n quaden wee(re) so salme(n) den/ selve(n) wynne xvi mudden va(n) sine(n) vors(creven) pachte v(er)beiden en(de) uutsege(n)/ totten naesten volgen(de) ja(r)e o(m)me alsd(an) die te betalene mette(n) and(ere)n/ pachte alsd(an) v(er)schine(n)de Es voirt vurw(er)de waert alsoe dat
//
gebuerden enige oerloegen tampeeste brande oft groet ongeval/ int gemein lant so salmen den selven wynne rastoir doen van/ dien gelijc regenoeten boven en(de) bened(en) Es noch vurw(er)de dat/ de vors(creven) wynne te hemwert hebben sal de huysinge vanden vors(creven)/ hove gelijc sij d(aer) gelege(n) sijn behoud(elic) den heerscape van/ gheete alleene tot hemweert die neder came(r) vanden grate/ opwert en(de) de selve wynne sal alle de huyse houden wel en(de)/ loflic in goeden state en(de) r(e)p(ar)acien vand(er) ond(er)ster rikelen ned(er)wert/ van ouden werke en(de) op de selve huyse alle ja(r)e v(er)decken iiii[c]/ goloys d(aer) de huysinge des best behoeve(n) sullen d(aer) af de wynne/ den werclieden den montcost geve(n) sal en(de) theerscap van gheete/ die dachue(re)n betalen Sal oic de selve wynne de selve/ huyse loflic doen vorsten en(de) leve(re)n leem savel en(de) dacroeden op/ sinen cost It(em) sal de wynne gehouden sijn alle ja(r)e te besayene/ ii dossinen lijsaets tot behoef des h(er)scaps va(n) gheete vors(creven)/ behoud(elic) dat tselve h(er)scap hem den saet leve(re)n sal Es voert/ vurw(er)de dat de vors(creven) wynne jarlix maken sal eene(n) tabb(ar)t/ va(n) alsulk(er) verwen en(de) levereyen als theerscap va(n) gheete vors(creven)/ jarlix sine(n) knechte(n) geve(n) sall en(de) d(aer) voe(r) sal hij jarlix afslaen/ ii mudden corens vand(er) pechtingen te weten d(er) vors(creven) joffr(ouwe)/ jeha(n)nen deen mudde d(aer) af en(de) dand(er) mudde d(aer) af den vorscr(even)/ jonch(e)r jacoppe H(ier) af sijn borghen des vors(creven) wynnen als/ p(ri)ncipael sculde(re)n indivis(im) de vors(creven) lambrecht quaetherst sijn/ vad(er) wonen(de) sinte g(er)trud(en) landenen balthasar sniders wonen(de)/ topgeldenaken en(de) ghijsbrecht truydens wonen(de) sinte g(er)trud(en)/ landenen vors(creven) Geloven(de) voert de vors(creven) wynne lambrecht sijn/ vad(er) balthasar en(de) ghijsbrecht indivisim en(de) elc voir all te/ v(er)vane en(de) indien te hebbene vrancken quaetherst brued(er) des/ vors(creven) wynnen dat de selve vrancke oft een and(er) van gelike(n)
//
stade en(de) rijcdo(m)me den rechte van hier bedwenlic t(er) manissen der/ vors(creven) joffr(ouwe) jehanne(n) jonch(e)r jacops huers soens en(de) ja(n)nes de dond(er)/ aut alt(er)i[(us)] comen sal voir scep(enen) van loven(e) en(de) hem als borghe/ des vors(creven) wynne(n) voir tvoldoen d(er) pechtingen vors(creven) behoerlic/ v(er)binden en(de) v(er)oblige(re)n sal [En(de) oft enich va(n) hen bove(n) den vors(creven) t(er)mine aflivich wordt dat dan dande(re) va(n) hen inde stat va(n) die(n) eene(n) gelike(n) setten sulle alsoe dicke en(de) menichwerve(n) alst gebuerde] En(de) van al des vors(creven) is hebbe heeft/ geloeft de vors(creven) wynne den vors(creven) sinen borgen cost(eloes) en(de) scad(eloes)/ te houden en(de) tontheffen cor(am) hoeve(n) vynck april(is) xxii