It(em) joffr(ouwe) katline uuter helicht gheheeten vander borch na(tur)lic docht(er)/ arnts wijlen uuter helicht gheheeten vander borch in p(rese)nc(ia) der scep(enen)/ van loven(e) ghestaen heeft ghekent ende ghelijt inden name ende/ tot behoeff henricx uuter helicht gheheeten vander borch huers/ huers wettich sbrueders ende tot behoef van eene(n)yeghelijken and(er)s/ dien dat aengaen mach als vanden houwe ende p(ro)fijten vanden bossche/ ghelegen te thieldonck neven der borch hoff ald(air) die de voirscr(even)/ wijlen arnt huer vader huer met testamente ghemaect en(de) ghelate(n)/ hadde bij hue(re)n bijsijne en(de) (con)sente vercocht es ende niet meer/ ghegouden en heeft dan viertich croene(n) elke croene voir xxiiii/ stuv(er)s gherekent ende dat de selve xl cronen bij hue(re)n wille wete/ ende consente bekeert sijn bijden voirs(creven) henricke hue(re)n brueder in/ viere croene(n) lijftochte(n) Te weten de twee croene(n) dair aff tot hue(re)n/ live ende ten lijve willems uut(er) helicht gheheete(n) vander borch dair/ inne ghehoude(n) ende v(er)bonden sijn henrick van aerschot zone wijlen/ jans willem meeus ende arnt van aerschot des voirs(creven) henricx brued(er)/ ghelijck den scepen(en) brief van loven(e) dair op ghemaect int jair/ xiiii[c] lviii x daghe in octobri dat volcomelijck beg(rij)pt Ende dande(r)/ twee crone(n) tot hue(re)n live ende ten live henricx vand(er) borch voirscr(even)/ in welke lijfpen(sien) van twee crone(n) voirs(creven) jan ende henrick vander donck/ ghebruede(re) jan goorts en(de) meest(er) goort pasteel v(er)bonden zijn ghelijck/ den scepen(en) brief van loven(e) opde selve twee croene(n) ghemaect int jair/ xiiii[c] lxiii vi daghe in junio insgelijcx volcomelick uutwijst en(de)/ beg(rij)pt met welken vesticheyde(n) vanden iiii croene(n) voirs(creven) de selve joffr(ouwe)/ katline huer hult voir wel content ende te vreden Bekennen(de) huer/ met dien viere croene(n) voirsc(reven) van hue(re)n voirs(creven) legate volcomelick en(de)/ all v(er)nueght ende ghecontenteert te wesen den voirs(creven) henricke hue(re)n/ bruede(r) voir hem sine(n) erve(n) ende naecomelinghen ende sijn goede ende/ voort eene(n)yeghelijken and(er)s dien dat aengaen mach tot eewigen dagen/ volcomelijken quijtschilden(de) Quite(re)nde voort de selve joffr(ouwe) katline den/ voirs(creven) henricke(n) hue(re)n bruede(r) van alle(n) v(er)schenen(en) [renten] der vier crone(n) lijfpen(sien)/ voirs(creven) ende voort van alle(n) ande(re)n zaken eysschinghe(n) ende optichte(n) dair inne/ de selve henrick tot huerw(er)t ghehoude(n) sijn mochte in wat manie(re)n dattet/ wa(r)e tot desen daghe toe van heden p(ro)mittens nullat(enu)s alloqui cor(am) berghe/ nausnide(re) novemb(ris) v[ta]