SAL8137, Act: R°211.1 (322 of 390)
Search Act
previous | next
Act R°211.1  
Act
Date: 1468-05-10

Transcription

2020-04-29 by Jef Willemsens
Allen den ghene(n) die dese l(ette)ren sulle(n) sien oft hoe(ren) lese(n) burg(ermeester)/
scepen(en) en(de) raid d(er) stat van loven(e) saluyt met ke(n)nisse(n) der/
waerh(eit) doen te wetene dat opden dach va(n) heden voir ons come(n)/
sijn in p(ro)pe(re)n p(er)soene thomaes friesart en(de) kat(lin)[ne] shonts sijn wijf/
wed(uwe) goirts wile(n) bosschaert En(de) hebbe(n) ge(con)stitueert gesedt ende/
volcome(n) macht gegeven(n) [sond(er) wed(er)roepe(n)] h(ere)n ja(n)ne puttema(n) geheten cobbelgier/
prieste(r) o(m)me alle de goede chijsen rinte(n) erfpachte(n) lijfrente(n) jaergulde(n)/
en(de) sculde(n) der vors(creven) katlinen en(de) va(n) hue(re)n weghen oft hue(re)r zijden/
gecome(n) binnen d(er) stat van loven(e) en(de) d(aer) buyten te vertrijke te/
lovenjoel en(de) elswair binne(n) den lande va(n) brabant en(de) men haer hen/
sculd(ich) is oft namaels wese(n) sal Te rege(re)n te mane(n) teisschene/
opte bue(re)n en(de) tontfange(n) aen wat goeden oft p(er)soene(n) oft/
te wat steden dat dat sijn mach d(aer) voe(r) te panden te dagene/
te beleidene en(de) rastame(n)te te doen leggene nae gewoente/
en(de) costuyme vand(er) plaetsen d(aer) dat behoe(re)n sal oft behoeve(n)/
soude mogen En(de) op dats noot gebuerde voir alle richte(re)n/
geestelic en(de) weerlic met rechte te v(er)volgene te v(er)antwerden/
te bescudden en(de) te bedingene die te wynne(n) en(de) te v(er)liesen/
composicie en(de) mynlicke yffeni(n)ge d(aer) af te makene den/
sculde(re)n van des hij ontf(angen) sal quijt te scelde(n) en(de) quijtan(cie) te geve(n)/
en(de) voirtaen generalic en(de) specialic alle tgene d(aer) inne te/
doene en(de) te vorde(re)n dat de selve gehuysschen selve souden/
mogen doen waert dat sij tegeword(ich) en(de) voe(r) ogen waren/
p(ro)mitt(entes) rat(um) cor(am) eg(idi)[o] vos vice burg(imagistr)[o] nethenis oud(erogghe)/
scab(inis) maii x
Contributorskristiaan magnus
Moderated bykristiaan magnus
Last update: 2018-08-13 by The Administrator