SAL8137, Act: R°32.1 (43 of 388)
Search Act
previous | next
Act R°32.1  
Act
Date: 1467-08-12

Transcription

2019-07-07 by Jef Willemsens
Nae dien dat op den dach van hede(n) comen sijn voe(r) den rade/
vand(er) stat meest(er) augustijn va(n) nethene(n) geheeten vande(n) royeele/
ende joffrouwe vriendelijne weduwe ottens wile(n) va(n) kuyck/
geheten van hoeghstraten inde(n) name va(n) hen selve(n) en(de) inde(n) name/
jans huers soens in deen zijde en(de) jan van winxele in dander/
zijde Ald(aer) de vors(creven) jan va(n) winxele acht(er)volgen(de) zeke(r) vo(n)nisse(n)/
onlanx vi dagen in junio lest lede(n) tussche(n) hen gewesen aengaen(de)/
den coepe van iiii mudde(n) vi halst(er) t(er)wen en(de) iiii(½) mudde(n) rogs/
tsame(n) getaxeert op ix mudde(n) x s(cellingen) bov(en) lviii cap(uynen) erfs pachts/
ende chijs versocht tselve vo(n)nisse voldaen te worden en(de) hem/
d(aer) inne ten afslage te comene c v rins gul(den) en(de) sijn/
dueghdelike gebreke vande(n) v(er)lette van xii rijd(er)s erfrinte(n)/
van vi jare(n) Ald(aer) de vors(creven) meest(er) augustijn en(de) joffrouwe/
vriendeline met alrehande(n) redene(n) pijnde(n) te allige(re)ne o(m)me/
vande(n) vors(creven) vo(n)nisse ongehoude(n) te sijne soe es ten uut(er)ste(n)/
get(er)mineert dat sij de vo(n)nisse vors(creven) voldoen sullen m(er) hebbe(n)/
sij enige redene(n) d(aer) mede sij meyne(n) moge(n) dat de vors(creven)/
porceelen den vors(creven) ja(n)ne inden coop vanden vors(creven) goede(n) ten/
afslaghe niet comen en sulle(n) dat sij die moge(n) allige(re)n en(de)/
voirt bringhe(n) d(aer) toe sij dach genome(n) hebbe(n) om dat te/
doene op in vrijdaghe naestcomen(de) cor(am) lyemi(n)gen burg(imagistr)[o]/
egidio vos vice burg(imagistr)[o] et aliis in pleno (con)silio augusti/
xii videl(ice)t die m(er)curi
Contributorskristiaan magnus
Moderated bykristiaan magnus
Last update: 2018-08-13 by The Administrator