It(em) de vors(creven) raes de rijke peeter crabbeel en(de) jan stijnen hebben/ gekint en(de) gelijt al eest alsoe dat sij de vors(creven) xxxii rins guld(en)/ xxxii(½) hollan(sche) gul(den) en(de) iiii stuv(er)s geloeft hebben ongesund(er)t en(de) ongesceid(en)/ en(de) elc voir al d(er) vors(creven) joffr(ouwe) m(ar)griete(n) en(de) ja(n)ne de witte aut alt(e)ri te/ betalen gelijc vors(creven) steet dat de vors(creven) jan stijne(n) d(aer) af niet meer/ sculd(ich) en is dan vi hollan(sche) gul(den) en(de) vi rins gul(den) en(de) ii stuv(er)s en(de) elke(n)/ d(er) vors(creven) gul(den) gerek(ent) als voe(r) en(de) de vors(creven) raes en(de) peet(er) crabbeel/ tsurpl(us) d(aer) af te weten elc van hen beiden deen helicht vanden selve(n)/ surpl(us) en(de) niet meer En(de) hebben geloeft de vors(creven) iii sculde(re)n elc/ den and(ere)n dat elc van hen sijn porcie en(de) gedeelte vand(er) schult vors(creven)/ ten t(er)mijnen(n) inder vors(creven) geluften begrepen uutreike(n) sall en(de) betalen/ sond(er) dat enich van hen vord(er) d(aer) af gepraempt bescedicht oft/ belast sal wesen En(de) oft enich van hen d(aer) inne gebreclic wae(re)/dat en(de) vord(er) belast wordde dan voir sijn porcie vors(creven) dat sij/ malcande(re)n d(aer) af inne staen sullen en(de) scad(eloes) ontheffen met alle/ coste en(de) co(m)me(r) alsoe wale [vande(n)] vroentcoste(n) als ande(r) costen hoedanich/ die wae(re)n cor(am) eisd(em)