It(em) de vors(creven) lijsbeth scoeninx weduwe jans wijle(n) cloest(er)mans wonen(de)/ te kerckem in p(rese)nc(ia) heeft geloeft wille(m)me en(de) m(ar)griete(n) cloest(er)mans/ hue(re)n kind(ere)n pri(us) em(an)cip(ati) arnde de groete henricke lambrechts en(de) he(n)ricke/ ymbrechts behoude soene(n) d(er) vors(creven) lijsbeithe(n) [als momboe(re)n hue(re)r huysvrouwe(n)] te wete(n) elken van hen/ alsoe v(er)re hem dat aencleeft alse vanden goeden beide have en(de)/ erve die de vors(creven) lijsbeth heeft oft in toecomen(de) tijden sal moghen v(er)crige(n)
//
dat sij egheene vanden selve(n) goeden den vors(creven) hue(re)n kind(ere)n den eene(n) niet min/geven [dan den and(ere)n voe(r) uut geven en sal] met testame(n)te oft and(ere)n ordina(n)cien v(er)sien en sall m(er) dat/ de selve goede nae de doot van huer den vors(creven) hue(re)n kind(ere)n te gelike/ volgen sulle(n) en(de) tusschen hen hoet en(de) hoets gelijk gedeilt [worde(n)] brued(er)lic ende/ susterlijck gelijc nae den lantrechte behoert en(de) sculd(ich) is te gesciene/ Behoudelic dat der vors(creven) m(ar)grieten der dochter voir uut volghen sal/ dinhout va(n) eene(n) scepen(en) brieve van loven(e) tand(ere)n tijden bid(er) vors(creven)/ lijsbetthe(n) d(er) moed(er) en(de) ja(n)ne wijlen cloest(er)man hue(re)n man d(er) vors(creven) m(ar)griete(n)/ d(er) docht(er) geloeft en(de) bekint sond(er) argelist cor(am) eisd(em)