It(em) meest(er) jan van ov(er)wynghe daneel smachts zone wijle(n) stevens/ en(de) claes scrybaen als momboir joffr(ouwe) katline(n) smachts sijnre huysvr(ouwe)/ zust(er) des voirs(creven) daneels als gheleyt totten goeden beyde have ende/ erve wout(er)s wijlen van berthem in deen zijde ende jan vand(er) hofstad/ als insgelijcx gheleydt totten goeden desselfs wijlen wout(er)s van/ berthem in dande(r) zijde die op heden teghen malcande(re)n dach va(n)/ rechte hadde(n) voir meye(r) ende scepen(en) van loven(e) inde banck ald(aer)/ hebben den selve(n) dach uutghestelt ende verlinght tot van in/ dijsdaghe naestcomen(de) ov(er) viii daghe(n) te mistijde o(m)me alsdan rechts/ te pleghen(e) ghelijck sij op heden ghedaen souden hebben cor(am) colonia/ ouderogghe martii v[ta] vid(elicet) die sabbati