Cont zij eenen yeghelijken dat jan wyelant wonen(de) te vlasselair/ sone wijlen jans in yeghewoirdicheyde(n) der scepen(en) van loven(e)/ ghestaen heeft ghenome(n) en(de) bekint dat hij ghenome(n) heeft/ teghen woute(re)n de sweertveghe(re) thoff desselfs wout(er)s mette(n) huysen/ hoven beempden eeusselen ende wynnende lande dair toe behoe(re)nde/ met eene(n) beempde houden(de) een dach(mael) geleghe(n) ter eect inde/ ruytbeempde geleghen inde p(ro)chie van sinte peet(er)s rode te houden/ te hebben ende te wynnen van opden dach van heden eenen/ t(er)mijn van ix jae(re)n lanck v(er)volghe(n)de behoudelic dat sij bynne(n)/ den yerste(n) vi jae(re)n van malcande(re)n sceide(n) moghe(n) op dat hen/ ghelieft op alsoe dat de ghene die sceide(n) wilt dat den/ ande(re)n een jair te voe(re)n cundighen sal elx jairs dae(re)n bynne(n)/ Te weten de voirscr(even) wynnende lande om de helicht vanden/ corene ende vruchte(n) die dair op wassen selen ende de wynne/ sal den voirs(creven) woute(re)n sijn helicht jairlix als die opt velt/ ghebonden sal sijn in sijn schuere aldair vue(re)n eer hij tsine/ rue(re)n sal moghen It(em) sal de voirs(creven) wout(er) jairlix sijn helicht/ vanden voirs(creven) corene doen dersschen ende dien derssche(r) sal/ de voirs(creven) wynne alsdan den montcost gheven ende wout(er)/ sal de dachue(re)n betalen en(de) de voirs(creven) wynne sal den voirs(creven)/ woute(re)n jairlix sijn coren te loven(e) leve(re)n ende daer voe(r) sal/ hij hebbe(n) ende behoude(n) caff ende crintsen ende den montcost/ voir hem Item [sal] de voirs(creven) wynne jaerlix den voirs(creven) t(er)mijn due(re)nde/ de beempde en(de) eeusselen aldaer hebben om achtien hollantsche/ gulden(en) oft de weerde d(aer) af eende een grijpe te xl pl(a)c(ken) tallen/ sinte mertensmisse inden wynt(er) te betalen den voirs(creven) t(er)mijn/ due(re)nde en(de) telken t(er)mijne als v(er)volghde schout En(de) de voirs(creven)/ wyn sal jaerlix hie(re)n bynnen betalen alsulke(n) chijs als gaet/ uut eene(n) dachmael eeussels t(er) roost beleghe(n) sond(er) afcortinghe(n)
//
vanden voirs(creven) ghelde Ende de voirs(creven) wyn sal int hoff met/ sijnre meest(er) famielien den voirs(creven) t(er)mijn due(re)nde woene(n) en(de) de/ huysinghe aldaer houde(n) van wande ende van dake in/ goeden state ghelijck dat hijse vant Voirt sal de voirs(creven)/ wyn den hoff ter eect beheymt ende bevreedt houden/ ende oic laten ten afscheyden vande(n) voirs(creven) t(er)mijne met eenre/ grecht Ende ghevielt dat die wyn hie(re)n bynne(n) e(n)nich lant/ hoer vruchte daer af sal de selve wout(er) de helicht hebbe(n)/ die hem de voirs(creven) wynne te loven(e) leve(re)n sal It(em) sal/ de voirs(creven) wyn den voirs(creven) woute(re)n alle jae(re) hie(re)n bynnen vier/ vaerden dyene(n) met [sinen] waghen(en) ende peerde(n) van rode te loven(e)/ Ende de voirs(creven) wyn sal de voirs(creven) lande sine(n) t(er)mijn due(re)nde/ werve(n) wynne(n) ende mesten ende hen hue(re) ghetidighe/ voren geven gelijc sijne(n) regenoote(n) boven ende beneden ende/ daer toe sal de selve wyn bynne(n) den voirs(creven) tijde alle jae(re)/ vii voedere(n) m(er)ghels opt voirs(creven) lant vue(re)n welke(n) merghel/ de voirs(creven) wout(er) op de cuyte daer hij ghehaelt sal werde(n)/ betalen sal Ende de voirs(creven) lande sal de voirs(creven) wyn laten/ ten ynde vanden voirs(creven) t(er)mijne ghelijc dat hijse vonde(n) heeft/ te sine(n) inne come(n) te weten(e) drie boend(er) lants besaeyt met/ rogghe It(em) seventhien dach(mael) storten geheel ende dand(er) lant/ te weten veerthien dach(mael) brake(n) geheel It(em) sal de voirs(creven) wyn/ ten lesten jae(re) vande(n) voirs(creven) t(er)mijne alle dmest int voirs(creven) hoff/ laten en(de) oic allet stroe vande(n) voirs(creven) goede(n) comen(de) Ende de/ selve wyn sal de truncboemen aldaer truncken ten/ behoirlike(n) tijden o(m)me de goede d(aer) mede te bevreede(n) ende/ oft daer e(n)nighe boemen verdroeghden die sal de wyn/ hebben ende twee levende poote(n) vanden selven aerde/ daer voe(r) weder sette(n) Ende sale(n) de voirs(creven) wyn ende wout(er)/ hebben dooft inden bogaert ald(aer) wassende half ende halff
//
ende de wyn sal woute(re)n voirs(creven) sijn helicht ter eerde(n) doen/ ende te loven(e) tot sijne(n) huyse leve(re)n sond(er) des voirs(creven) wout(er)s/ cost Ende toeghste als tcoren ghevelt sal sijn soe/ en sal de voirs(creven) wyn gheen coren moghe(n) bynden/ de voirs(creven) woute(r) en hebbe sijne(n) bode daer bij te voe(re)n/ gheseyndt den welke(n) de selve wyn de montcost geve(n)/ sal voert sal de voirs(creven) woute(r) den voirscr(even) t(er)mijn due(re)nde/ behoude(n) tot sinen nutscape en(de) profijte den solde(r) bove(n)/ de keescame(r) Ende alle dese vurweerde(n) condicien/ ende gheluften voirs(creven) heeft de voirs(creven) wyn den voirs(creven)/ woute(re)n gelooft vast ghestentich ende van weerden/ te houden ende te voldoene talle(n) tijde ende t(er)mijne/ alse die vallen ende v(er)schijnen selen en(de) telke(n) t(er)mijne/ als v(er)volghde schout cor(am) roelants tymple m(ar)tii xiiii