It(em) nae dien dat meest(er) peet(er) boete scholast(er) ind(er) kerken van/ sinte pet(er) te loven(e) jan [boete gheheete(n)] van zeebroeck zone joffr(ouwe) lijsbette(n) van/ zeebroeck ende jan de smet van bruessel op heden voir meye(r)/ ende scepen(en) van loven(e) deden exhibe(re)n eene p(ro)curacie ghepasseert/ voir burg(er)meest(ere)n scepen(en) ende raid der stad van bruessel/ ende metter selv(er) stad zeghele ad causas beseghelt dair mede joffr(ouwe)/ lijsbetth van zeebroeck weduwe walrave(n) wijlen boets hen en(de)/ elken van hen ghestelt hadde p(ro)cur(eur)s o(m)me alh(ier) voir meye(r) en(de) scepen(en)/ van loven(e) zeke(r) questien ende gheschille tusschen hue(r) ende meester/ claese van vucht meest(er) vand(er) reken(inge) came(re)n ons ghened(ichs) she(re)n tsh(er)toge(n) (et)c(etera)/ die nae den rechte vand(er) stad van loven(e) met scepen(en) brieve(n) van loven(e)/ come(n) ende gheleyt es tot den goide(n) des voirs(creven) wijlen walravens/ gheleghen onder die meyerie(n) van vilvoerden van campenhout/ ende elswair ende uut machte vanden selven brieve tot den/ tijden vander aflivicheit des voirs(creven) waelravens in possessien es/ gheweest uutstaen(de) te volghene Soe heeft de voirs(creven) jan de/ smet mett(er) selv(er) p(ro)curacie(n) ghepijnt trecht teghen den voirs(creven) meest(er)/ claese van vucht te vorderen als vander duwarien die de selve/ weduwe op die goede meynde te hebben(e) Dair op de selve meest(er)/ claes dede segghen dat de voirs(creven) p(ro)cur(eur) hem schuld(ich) wae(r) inne te/ staene van zaken van allen reco(n)vencie(n) die hij in des(er) zaken teghe(n)/ die voirs(creven) weduwe soude willen voortsetten ende hem borchtochte/ van dien stellen want hij een man van buyten wae(r) aleer hij sijn/ recht soude moghen vorde(re)n Dair op de scepen(en) ghemaent sijnde wijsden/ voir een vonnisse soe verre de voirs(creven) jan de smet van weghen der joffr(ouwe)/ voirs(creven) gheloofde aen meest(er) claese van alle reconvencie(n) voirs(creven) inne te/ stane dat hij dan met rechte soude moghen voortvae(re)n cor(am) lyeminge(n)/ roelants tymple nethenis col(onia) m(ar)sels oud(erogghe) m(ar)tii xii[a]