It(em) t(er) meerd(er) vestich(eit) den voirs(creven) meest(er) matheuse der voirs(creven) lijsbetthe(n) sijnre/ huysvrouwen en(de) den voirs(creven) vrancke(n) tot hue(re)n voirs(creven) scepen(en) brieve te/ doene soe sijn bij handen andr(ies) va(n) roesmeer vorst(er)s te loven(e) gesedt in hande(n)/ des voirs(creven) meest(er) matheus tot behoef sijns selfs sijnre huysvrouwe(n) en(de)/ vranx bide(n) voirs(creven) h(ere)n denijse ii silve(re)n scale(n) en(de) een silve(re) potteken bove(n)/ ov(er)dect te same(n) weghen(de) xxi(½) once(n) en(de) ii(½) inghelsche(n) tot dien ynde/ gebuerdet hen in toecomen(de) tijden inder betalinge(n) vand(er) voirs(creven) lijfpens(ie)/ oft bewijsseniss(en) d(er) selv(er) enich gebrec te hebben(e) soe sulle(n) sij aut al(ter)i oft/ yemant and(er)s van hue(re)n weghe(n) trecht vande(n) voirs(creven) scep(enen) brieve(n) hebben(de)/ moghe(n) sijn gebrec aen de voirs(creven) pande v(er)hale(n) en(de) die v(er)cope(n) voe(r) alsulke(n)/ prijs als enich goutsmet ind(er) stad van loven(e) dair voe(r) sal wille(n) geve(n)/ ende dair mede gestaen sond(er) den voirs(creven) h(er) denijse d(aer) af meer oft / voirde(r) v(er)antw(er)d(en) oft restitucie te doene Ende oft d(aer) ov(er) sijn gebrec iet/ ov(er)scoet dat soude hij den voirs(creven) h(er) denijse wed(er)keeren en(de) oft d(aer) gebrake/ dat soude hij mette(n) voirs(creven) scep(enen) brieve(n) moge(n) v(er)halen Behoud(elic) dat hij/ sal moge(n) p(ro)cede(re)n met eene(n) vande(n) tween dair hem dat best gelieve(n)/ sal en(de) oft de voirs(creven) meest(er) matheus oft trecht vande(n) brieve hebben(de)/ and(er)ss(ins) van sijnre lijfpens(ie) dan met v(er)coepene d(er) selv(er) pande(n) volcomelic/ v(er)nuecht wordde soe heeft de voirs(creven) meest(er) matheus geloeft den/ voirs(creven) h(er) denise de voirs(creven) pande inde(n) voirs(creven) gewichte wed(er) om te/ leve(re)n cor(am) eisd(em)