It(em) nae dien dat come(n) sijn voir den raide vander stad jan borreman/ de jonghe in deen zijde ende meest(er) marten joes in dande(r) zijde als va(n)/ zeke(re)n hueringhe(n) die de voirs(creven) jan borreman meynde te hebben(e) aen eene(n)/ hoff des voirs(creven) meest(er) mertens die hij v(er)creghe(n) heeft teghe h(er) robbeerte/ loenijs prieste(r) ende oic vande(n) vuetssele ende planten van boeme(n) die de/ selve borreman inde(n) selve(n) hoff ghesedt hadde Soe es ten uut(er)sten beyde(n)/ p(ar)tijen in allen hue(re)n bescheyde aenghehoirt sijnde [get(er)mineert] dat den voirs(creven) m(er)tene/ den voirs(creven) hoff volghen sall als sijn erve ombeledt vand(er) hueringhen/ behoud(elic) dat de selve jan de voirs(creven) vuetssele ende plante(n) van boemen/ ald(aer) sal houde(n) moghen behoude(n) staen(de) tot m(er)te naestcomen(de) ende/ die hie(re)n bynne(n) tsine(n) p(ro)fijte moghe(n) hante(re)n ende alsdan uutdoen/
//
tghene des hij dair ghesedt ende gheplant heeft ende/ ande(re) boeme dair laten stain Ende dat meest(er) merte(n)/ sijn gherief van ty(m)meringhe(n) sal moghe(n) doen opden selve(n)/ hoff zond(er) schade vanden planten voirs(creven) Ende heeft de/ voirs(creven) borreman vander hueringhe(n) e(n)nich ghebreck dat hij/ dat volghen mach op h(er) robeerte voirs(creven) actu(m) cor(am) absoloens/ vice burgimag(ist)ro et aliis de (con)silio sept(embris) ii[a]