It(em) sal den voirs(creven) lijfpen(sien) brief liggen ond(er) scepen(en) van loven(en) tot sulker/ meyninghen dat de voirs(creven) jan van boemale de vader de voirs(creven) lijfpen(sie)/ van vi gul(den) heffen en(de) bue(re)n sal alsoe langhe de voirs(creven) robbijn sijn zone/ leven sal ende niet lange(r) Ende nae de doot des voirs(creven) robbijns die/ den voirs(creven) janne sine(n) brueder t(er) stont te volgen(e) Met vurw(er)den oft de voirs(creven)/ jan van boemale de vader aflivich wordt voir den voirs(creven) robbijne dat/ dan de voirs(creven) jan desselfs robbijns brued(er) de selve lijfpen(sie) heffen sall/ ende bue(re)n ende die jairlix beke(re)n in orber ende p(ro)fijte desselfs robbijns/ In desen voort bevurw(er)t oft de voirs(creven) lijfpen(sie) in toecomen(de) tijden afgequete(n)/ wordde datmen de pe(n)ninghe dair aff comen(de) weder om aenleggen zall/ in ghelijke lijftochten tot behoef als voe(r) en(de) de brieve d(aer) aff altijt te bliven(e)/ onder scepen(en) o(m)me dair mede ghedaen te wordden(e) ghelijck voirs(creven) steet eisd(em)