It(em) nae dien dat matheeus colcx t(er) eenre zijden ende jan de witte/ zone wijlen jans vanden selve(n) matheeuse ghehacht ende ghehoude(n) ind(er)/ vroenten jans ylkaerts t(er) ande(re) op heden te twee uren nae der noene(n)/ dach hadde(n) van rechte inder vroente(n) voirs(creven) o(m)me ald(aer) rechts te pleghen(e)/ Soe es come(n) de voirs(creven) jan ylkaerts ende heeft hem bekent betaelt/ te zijne van allen den vroentcosten die de voirs(creven) jan de witte als/ ghehoude(n) ten versueke des voirs(creven) matheeus ghedaen heeft totten/ daghe toe van heden ende die hij doen sal tot in sat(er)daghe/ naestc(omende) incluys Ende heeft voort den selve(n) janne den witte/ als sine(n) ghevanghen(en) verantw(er)t ende dair voe(r) ghelooft inne te/ stane o(m)me op in sat(er)daghe naestc(omende) te rechte te bringhen(e) in/ ald(er) manie(re)n als hij hede(n) ghecome(n) soude hebbe(n) cor(am) roelants/ oud(erogghe) novemb(ris) xix videl(ice)t die iovis