It(em) es tusschen den voirs(creven) roelove ende arnde vand(er) berct vurw(er)de des h(ier)/ nae volght Yerst dat den voirs(creven) roelove volghen sal de hueringhe vande(n)/ voirs(creven) huysen die s(in)t jansmisse naestc(omende) v(er)schine(n) sal tot op vijff rinssche gul(den)/ toe welke vijff rins gul(den) den voirs(creven) arnde volghe(n) sulle(n) It(em) sal voort de(n)/ vorsc(reven) arnde volghen allet tghene des opden dach van heden naghelvast is/ inde(n) huysen voirs(creven) ende desghelijcx alle de bencken en(de) blocken die inde ned(er)came(r)/ staen en(de) opden vloer inden ghetale vijff bancken en(de) ii oft iii blocken/ zonder arghelist cor(am) eisd(em)