It(em) de voirs(creven) machtelt heeft ghekint ende ghelijt dat sij alsulken/ have ende vlieghent erve als sij den voirs(creven) lod(ewijke) ten tijde vanden vors(creven)/ huwelijke ov(er)gaff sij doen de ghifte dede in sulk(er) meyni(n)ghe(n) dat/ hij die soude behouden sonder inne bringhen ende zonder p(re)judijs/ van dien dat hij des te myn in dande(re) goide nae de doot van huer/ soude moghen deylen Vercleren(de) dat dat noch es van huer(er) meyni(n)ghe(n)/ niet te myn oft hem die ghifte yet myn dan ghenoech wae(re) Soe/ heeft de selve machtelt soe bij machte vanden lantrechte soe bij crachte/ vanden testamente bij janne den rijke hue(re)n man ghemaect den selve(n)/ lodewijke alnoch in behulp ende onderstanne vande(n) vors(creven) huwelijke/ nu ghedaen ende ghesolempniseert v(er)looft ende ghegeven o(m)me
//
die te moghen houden(e) zonder inne bringhen ende zonder/ p(re)judijs van des te myn te moghen deylen(e) aenghesien onder den/ ande(re)n dat ande(re)n medeild(er)s in ghereeden have(n) en(de) pe(n)ningen/ meer dan de weerde vanden goiden des voirs(creven) lodewijcx ghedrage(n) v(er)sien sijn gheweest dair af sij oic gheen inne bringhen en sulle(n)/ derve(n) doen