Allen den ghene(n) die dese l(ette)ren sulle(n) sien oft hoe(re)n lesen burg(er)meest(ere)n/ scepene(n) en(de) raid der stat van loeven(e) saluyt met ke(n)nisse der waerheit/ doen te wetene dat opde(n) dach va(n) heden voir ons come(n) is in p(ro)peren/ p(er)soene jan van chynnoet onse ingeseten poerte(r) ende heeft geconstitueert/ gesedt en(de) volcome(n) macht gegeve(n) henricke ve(re)naliten wonen(de) totten/ borch ende peteren andries en(de) elken besund(er)t alle sijn goede chijsen/ rinte(n) erfpachte(n) lijfrenten jaergulden en(de) schulden te saert overdijle/ inde prochie va(n) graven/ ende d(aer) omtrent en(de) elswair binnen den lande va(n) brabant [gelege(n)] en(de) men hem/ sculdich is oft namaels wesen sal Te rege(re)n te manen teisschen opte/ bue(re)n en(de) tontfanghe(n) aen wat p(er)soene(n) oft goede(n) oft te wat steden oft/ plaetsen dat dat sijn mach dair voe(r) te panden te dagene te/ beleidene en(de) rastame(n)te te doen leggen(e) nae gewoente en(de) costume/ vand(er) plaetsen d(aer) dat behoe(re)n sal oft behoere(n) soude mogen en(de) op/ dats noet gebuerde voir alle richte(re)n gheestelic en(de) weerlic met/ rechte te v(er)volgene te v(er)antwerdene te bescuddene en(de) in aen/ legg(er)s oft verweerd(er)s stat te bedingene die te wynne(n) en(de) te v(er)liesen/ thoenisse en(de) wairheid(en) te leiden en(de) vand(er) wed(er)p(ar)tijen te sien leiden/ jegen hue(re)n p(er)sone(n) en(de) getuygenisse(n) te excipieren(e) en(de) te oppone(re)n/ composicie en(de) mynlike yffeni(n)ge d(aer) af te maken den sculde(re)n va(n) des/ sij ontfange(n) sulle(n) quijt te scelde(n) en(de) quitan(cie) te geve(n) en(de) de omberuer/ like goede des vors(creven) jans va(n) chynnoet in jaerschae(re)n uut te gheven/ te v(er)pachten en(de) te v(er)hue(re)n En(de) voirtaen generalic en(de) specialic alle/ tgene dair inne te doene en(de) te vorderene dat de selve jan selve/ soude mogen doen waert dat hij tegewordich en(de) voir ogen wae(re)/ Geloven(de) de vors(creven) jan bij sijnre trouwe(n) in stat va(n) eede en(de) op tverbo(nt)/ va(n) allen sine(n) goeden beruerlic en(de) omberuerlic tegewordige ende/ toecomen(de) tot ewige(n) daghen goet vast gestentich va(n) weerde(n) ende/ omv(er)brekelic te houden en(de) te hebbene alle tgene des biden vors(creven)/ p(ro)cur(eur)s oft enigen van hen h(ier) inne gedaen en(de) gevordert sal/ wesen alle argelist h(ier) inne uutgesceiden due(re)nde dese/ vors(creven) p(ro)cu(ra)cie en(de) mechtich(eit) totten wed(er)roepe des vors(creven) jans [en(de) niet lang(er)] cor(am)/ hoeven burg(imagistr)[o] tymple nethenis ja(nua)[rii] xxvi