Het sijn come(n) in rechte voir meye(r) ende scepen(en) van loven(e) anne/ van valkenborch wettighe docht(er) anthonijs wijlen van valkenborch/ in deen zijde ende roeloff van redinghen met lijsbetten van haren nu/ sijnre huysvrouwe(n) ende weduwe jans wijlen vanden putte diemen hiet/ p(ro)fijt in dande(r) zijde alse van eene(n) huyse met sijnre toebehoirten/ dwelck een ca(m)me es gheheeten leeuwenborch ghelegen opde grote/ marct te loven(e) tusschen de goide sambachts vanden cuyp(er)s ende scrij(n)mak(er)s/ ende de goide henricx de mandemake(re) ald(aer) de voirs(creven) anne eene aensprake/ dede alse vanden huyse voirs(creven) Segghen(de) dat de voirs(creven) jan wijlen/ vanden putte diemen hiet profijt nae staet der heilig(er) kerken ghetrouwt/ hadde eene gheheeten g(er)truyt van valkenborch docht(er) qui(n)tens wijlen va(n)/ valkenborch ende van huer hadde eene wettighe ghebuerte gheheete(n)/ g(er)truyt ende dat de voirs(creven) jan vanden putte ende g(er)truyt sijn wijff/ tvoirs(creven) huys v(er)creghen in hue(re)n vollen stoele van huwelijke ende dat/ gheertruyt van valkenborch sijn huysvrouwe dair vore uutsterf als/ uut hue(re)n erve ende jan vanden putte dair inne bleef sitten(de) als een/ tochtene(r) ende dat de selve jan vanden putte dair nae dair uutgestorve(n)/ es als uut sijnd(er) tocht ende dat alsoe die goide bleve(n) sijn op g(er)trude(n)/ sijnre docht(er) als erfwijff welck g(er)truyt de docht(er) dair uutgestorve(n)/ es als uut hue(re)n erve ende zonder wettighe ghebuerte acht(er) huer te/ laten Segghen(de) voort de selve anne dat sij wettighe docht(er) is/ anthonijs wijlen van valkenborch welck anthonijs brueder was van/ ghertrude(n) wijlen van valkenborch voirs(creven) ende alsoe es de selve/ anne der voirs(creven) g(er)truden der docht(er) oems kint van wettighen bedde/ Ende al mochte de voirs(creven) roeloff met sijnre huysvrouwe(n) segghen dat/ de voirs(creven) gheertruyt des voirs(creven) jans vanden putte yerste wijff na(tur)lick/ docht(er) was qui(n)tens wijlen van valkenborch voirs(creven) Soe seegt de selve/ anne dat huer dat niet letten en mach want sij anne wettighe docht(er)/ es anthonijs wijlen van valkenborch ende anthonijs huer vader wettighe/ zone was des voirs(creven) wijlen qui(n)tens ende soe es de ghebuerte der selv(er)/ a(n)nen van boven neder al van wettighen bedde ende alsoe es sij een/ vanden naesten leven(de) der voirs(creven) wijlen g(er)trude(n) der docht(er) Biedende/ de voirs(creven) pointen te thonen hopen(de) want sij die ghethone(n) coste dat/ huer inde voirs(creven) goede oft te minsten inde helicht der selv(er) huer
//
kinsghedeelte schuldich we(re) te volghen(e) Dair op de voirscr(even)/ roeloff mett(er) voirs(creven) sijnre huysvrouwe(n) antw(er)de segghen(de) dat de/ selve nu sijn huysvrouwe te voren ghetruwt hadde den voirs(creven)/ janne wijlen vanden putte ende dat sij van hem drie wettighe/ ghebuerte(n) behoude(n) hadde noch leven(de) de welke e(m)mer soe sij/ meynde naeder souden sijn dese goede dan de voirs(creven) anne Want/ de voirs(creven) gheertruyt docht(er) des voirs(creven) wijlen jans van sine(n) yerste(n)/ bedde ende sijn naekinde(re)n sust(er) ende brueder wae(re)n van eene(n) vader/ biddende dat [oic] te thonen(e) Ende nae dien dat beyde p(ar)tijen tot/ hue(re)n thonnisse ghewesen sijnde ende elck sijn thonisse gheleyt heeft/ soe es ten uut(er)sten nae aensprake v(er)antw(er)den ende thonisse va(n) beyde(n)/ p(ar)tijen ghewijst voir een vo(n)iss vonnisse dat der voirs(creven) anne(n) huer/ kinsghedeelte volghen sall inde helicht vanden goiden voirscr(even)/ cor(am) lyeminghen roelants tymple nethenis colonia m(ar)sels ouder(ogghe)/ m(ar)tii v[ta]