It(em) voort es veraccordeert dat woute(r) vanden tymple jan ouderogghe/ nu t(er)tijt scepen(en) te loven(e) ende vrancke pynnoc na(tur)lick wonen(de) inden/ heilighegheest den voirs(creven) lodewijken uuter helicht ghelove(n) sullen die/ gheluften hier nae volghen(de)/ Primo lodewijck pynnoc pynnoc meye(r) te loven(e) (et)c(etera) woute(r) vande(n)/ tymple jan ouderogghe ende vrancke pynnock voirs(creven) in p(rese)nc(ia)/ hebben ghelooft indivisim lodewijken uut(er) helicht dat sij den selven/ lodewijke tusschen nu en(de) beloken(en) paesschen naest c(omende) gheve(n) ende/ betalen zulle(n) alsulke xx rinssche gulden(en) erfl(iker) renten als lodewijcke(n)/ uut(er) helicht voirs(creven) vielen ende verschen in augusto lelst leden in/ welke erfrente(n) van xx guld(en) rinssche de voirs(creven) lodewijck pynnoc/ met sine(n) borghe(n) aen den voirs(creven) lodewijke uut(er) helicht met scepen(en) brieve(n)/ van loven(e) verobligeert ende v(er)bonde(n) es Et p(rim)[(us)] cor(am) eisd(em)