It(em) arnt ongheleeghs van velthem in p(rese)nc(ia) heeft ghelooft op sijn lijff/ ende op sijn goet ende op soenbreke ende peysbreke te zijne dat hij om negeend(er)/ hande zaken noch stucken wille die gheschiet sijn moghen totten daghe toe/ van heden tusschen hem in deen zijde ende janne hellincx va(n) berxhem t(er)/ ande(r) zijden den selve(n) janne ne(m)mermeer wangunst hatijde veede/ noch vyantscap doen noch draghen en sall hem crincken noch hinde(re)n/ aen lijff noch aen goet hem daghen noch moyen buyten lants noch oic/ te campe eysschen Bekennen(de) ende v(er)lijdende de selve arnt ongeleeghs/ wair hij h(ier) teghen dade dat hij sijn soude peysbreke ende soenbreke en(de)/ verbuert hebben sijn lijff ende goet onder wat hee(re)n oft gherichte hij bevonde(n)/ wordde Behoud(elic) (et)c(etera) cor(am) hoeve(n) burg(imagistro) tymple nethenis scabinis april(is) iiii[ta]