It(em) es vurw(er)de en(de) openbairlick ondersproken tusschen den meeste(re)n vand(en)/ bruederscap in deen zijde ende den voirs(creven) ghehuysschen in dande(r) oft/ soe ghebuerde alsme(n) de rente(n) voirs(creven) afquete oft de voirs(creven) ghehuysschen/ oft ande(re) possesseurs vanden gronde der voirs(creven) goeden niet te vreden/ en wae(re)n metten voirs(creven) brieve te nyeute te doene ende daer af gued(ingen)/ gheschiedde dat de selve guedinghe gheschieden sal ten coste ende/ laste der ghehuysschen oft possesseurs vanden gronde voirs(creven) ende oic vand(en)/ pontpe(n)ninghen daer aff alsdan v(er)schinen(de) cor(am) eisd(em)