Allen den ghenen (et)c(etera) burg(er)meest(er) scepen(en) en(de) raid der stad van loven(e)/ saluyt met kennissen der wairheit doen te weten(e) dat opden dach van/ heden voir ons come(n) es [in p(ro)pren p(er)sone] lijsbeth boekels weduwe jans wijlen uuten hove/ gheheeten zedelee(re) ende heeft alle der best(er) vorme(n) ende manie(re)n soe dat/ nae recht best mach diene(n) ende stat grijpen gheconstitueert gheco(m)mitteert/ gheordineert ghesedt ende met volcomender macht en(de) auctoryteit gemechticht/ gielijse vander stoct hue(re)n behoude(n) zone o(m)me alle de goede en(de) p(ro)fijten/ der selv(er) chijsen renten erfpachte(n) lijfrente(n) ende schulde(n) der voirs(creven) lijsbette(n)/ toebehoerende te loven(e) taerschot ende elswair bynne(n) den lande van brabant/ gheleghe(n) ende men huer schuld(ich) es oft naemaels wesen sal te rege(re)n te/ manen teysschen op te bue(re)n ende tontfanghe(n) aen wat goeden oft p(er)soene(n)/ oft te wat steden dat dat sijn mach dae(r) vore te panden te daghene te/ beleyden(e) ende rastemente te doen legghen(e) oft and(er)ssins soe dat nae recht
//
vander plaetssen dair dat behoe(re)n sal oft behoeve(n) soude moghe(n) te/ p(ro)cederen(e) ende op dats noot ghebuerde voir alle richte(re)n gheestelick/ ende weerlick met rechte te vervolghen(e) te v(er)antw(er)den(e) te beschudden(e)/ ende te bedinghen(e) die te wynnen(e) ende te v(er)liesene composicie en(de)/ minlijke yffeni(n)ghe d(aer) af te makene den schulde(re)n van des hij/ ontfanghen sal quijt te schelden(e) ende quijtan(cie) te gheven(e) ende/ de omberuerlijke goede der voirs(creven) weduwe(n) eene(n) t(er)mijn van jairen/ uut te gheve(n) te v(er)pachten ende te v(er)hue(re)n ende voortaen g(e)n(er)alick/ en(de) sp(eci)alick allet ghene dair inne te doene ende te vorde(re)ne dat de/ voirs(creven) lijsbeth selve soude moghen doen waert dat sij teghew(er)dich en(de)/ voir oeghen wae(re) Gheloven(de) voir ons de voirs(creven) lijsbeth in goeden trouwe(n)/ voir goet vast ghestentich ende van weerde(n) te houde(n) tot ewighe(n) dage(n)/ soe wes bijden voirs(creven) gielijse inder saken voirs(creven) ende des dair aen/ cleeft ghedaen ende ghevord(er)t sal wesen in e(n)nig(er) manie(re)n zond(er) argelist/ Behoud(elic) dat de voirs(creven) p(ro)cur(eur) ghehoude(n) sal sijn der voirs(creven) lijsbetten/ altijt tot huer(er) manissen van sine(n) bewynde ende ontfanghe goede/ rekeninghe ende bewijs te doene due(re)nde dese p(ro)curacie en(de) mechtich(eit)/ totte(n) wederroepen der voirscr(even) lijsbetten ende niet langhe(r) cor(am) hoeve(n) burg(imagistr)[o]/ roelants tymple scabinis maii s(ecund)[a]