It(em) meest(er) arnt die weldighe barbier wonen(de) te loven(e) als p(ro)cur(eur) h(er)mans van/ lijnt poirtier des goedshuys van sinte machiels tantwerpen ghelijck dat/ blijcte met p(ro)curacie(n) mett(er) stad zeghele van antw(er)pen bezeghelt vand(er) daet/ duysent vierhond(er)t sevenentsestich twee daghe in octobri in p(rese)nc(ia) heeft/ ghekent en(de) ghelijt dat hij uut machte vand(er) selv(er) p(ro)curacie(n) ghehadt ende/ ontfanghen heeft uut den handen claes scrybaen clerck opden regist(er) te/ loven(e) inden name ende van weghen vanden erfghename(n) barthelmeeus/ wijlen madea alsulken viere rinssche gul(den) eens als de selve erfghename(n) den/ voirs(creven) h(er)ma(n)ne tacht(er) en(de) schuld(ich) wae(re)n als van hueringhe(n) die de voirs(creven) h(er)ma(n)/ tande(re)n tijden aenden voirs(creven) erfghename(n) verdient heeft den selve(n) erfgename(n)/ ende eene(n)yeghelijken and(er)s dien dat aengaen mach vanden selve(n) iiii rinssche/ gulden(en) volcomelick quijtschilden(de) Gheloven(de) de voirs(creven) meest(er) arnt den voirs(creven)/ erfgename(n) vande(n) voirs(creven) iiii rinssche gul(den) inne te stane en(de) teghen eenen/ yeghelijken gherecht warant te zijne Cor(am) roelants nethenis junii p(ri)ma