Het sijn come(n) in rechte voir meye(r) ende scepen(en) van loven(en) inde/ banck ald(air) margriete wed(uwe) daneels wijlen vander hulst in deen/ zijde ende willem vander hulst huer swag(er) in dande(re) Aldair/ de voirs(creven) m(ar)griete dede segghen dat de voirs(creven) daneel wijlen vand(er)/ hulst huer man vore ende sij nae in possessien hadde(n) geweest/ ende noch es van ii vivers ghelegen te jenevaul bijden beempt/ arnts marile welke nochtans niet wederstaen(de) de voirsc(reven) wille(m)/ huer swag(er) met faite ende zonder wille ende consente d(er) selv(er)/ m(ar)grieten de vissche vanden selve(n) vivers afghevischt en(de) afgenome(n)/ hadde omtrent der vastenen lestleden inden welken sij in/ hue(re)r possessien ghestoert was ende int afneme(n) vande(n) vissche(n)/ beschedicht Biedende dit te thonen(e) ende hopen(de) dair o(m)me/ dat de voirs(creven) willem ghehouden soude sijn hue(r) de voirg(eruerde)/ visschen te restitue(re)ne Dair op de voirs(creven) willem dede/ antw(er)den dat dese vivers bij sine(n) vader v(er)creghen wae(re)n teghe(n)/ dierick van beerse ov(er) xxv jair ende dat sijn vader dair uut/ sterff als uut sine(n) erve ende sijn moeder dair inne bleef sitten(de)/ als een tocht(er)sse ende dat de selve willem die alsoe beseten hadde/ ende inde possessien was bleven totte(n) daghe toe van heden ende/ alsoe kende hij die vivers ghevischt te hebben(e) mair dat hadde/ hij ghedaen van sijns selfs goede Partijen tot hue(re)n thonijsse/ ghewesen sijnde thoende de voirs(creven) margriete met scepen(en) brieve(n)/ van loven(en) ghedateert int jair xiiii[c] ende xxxviii dat jan vander/ keelen van bruessele als gheleyt totten goeden claes ghehiete(n)/ die viengnez ghegoedt hadde diericke va(n) berzee van oerle en(de) ka(tli)[ne(n)]/ sinen wive wed(uwe) claes wijlen de viengnez ende dat de selve dierick/ van weghen sijns selfs en(de) va(n) weghe(n) katline(n) sijns wijfs voort gegoeyt/ hadde inder twee vivers voirs(creven) daneele(n) wijle(n) vander hulst/ vors(creven) Thoen(de) voort dat claes de viengnez dese goede besadt/ als sijn p(ro)pre erve ten tijde als jan vander keelen tot sijne(n)/
//
goeden gheleydt was int jair van xxxviii vors(creven) ende/ dat de selve daneel dese goede acht(er)volgen(de) sijnd(er) guedinge(n)/ beseten hadde ende ghepossesseert als sijn p(ro)per erve ende dair/ uut ghestorve(n) als uut sine(n) erve ende die voirs(creven) sijn weduwe/ dair inne bleef sitten(de) als een tocht(er)sse met eenre wettigher/ ghebuerten die sij van hem behielde welke ghebuerte starff/ in hue(re)n broede sijn(de) Ende dat de voirs(creven) daneel doen hij leefde/ altijt vischte die vivers voirs(creven) ende niemant and(er)s ende voirt/ dat die selve magriete voir ende eer die voirs(creven) willem die/ voirs(creven) vissche afnam was in possessien der vivers voirs(creven) ende/ noch es Den voirs(creven) willeme niet ghenoech tot sine(n) p(ro)poeste/ thonen(de) soe es ten uut(er)sten met vonnissen ghewijst dat de/ voirs(creven) willem vander hulst ghehouden sall sijn die vors(creven) vissche/ te restitue(re)ne ende heeft hij dae(re)n tynden yet te volgen(e) dat hij/ dat doen mach met rechte Cor(am) roelants tymple m(ar)sels colonia/ augusti xx