It(em) gheert wittema(n) va(n) tielt in p(rese)nc(ia) heeft geloeft op sijn lijff/ en(de) op sijn goet en(de) op zoenbreke en(de) peisbreke te sijne dat hij om/ egeend(er)hande sake(n) noch stucke(n) wille die gesciet sijn moghe(n) tot/ dese(n) dage toe va(n) hede(n) tussche(n) hem in deen zijde en(de) he(re)n ja(n)ne ad(ri)ane/ va(n) beringe(n) can nu t(er) tijt p(er)soen te tielt in dand(er) zijde de(n) selve(n) h(er)/ ad(ri)ane ni(m)m(er)meer wangonst hatide veede noch viantscap doen noch/ drage(n) en sal hem crincke(n) noch hynde(re)n aen lijf noch aen goet noch oic/ te campe eysche(n) noch dage(n) noch moye(n) buyte(n) lants beken(nende) ende lijden(de)/ wair hij h(ier) tege(n) dade dat hij sijn soude peisbreke en(de) zoenbreke/ en(de) v(er)buert hebbe(n) sijn lijf en(de) goet ond(er) wat h(ere)n oft gerichte hij bevond(en)/ worde Behoud(elic) (et)c(etera) cor(am) hoeve(n) burg(imagistr)[o] col(onia) ouder(ogghe) scab(inis) aug(usti) xxiiii