Tvo(n)nisse tusschen clase ruysermoelen cled(er)make(r) als p(ro)cur(eur) marien/ anxt in deen zijde ende colen van ruysmoelen scoemake(r) in dande(r)/ zijde alse va(n) (½) boend(er) lants gelegen opden wynckel inde p(ro)chie/ van halen en(de) va(n) i(½) zille(n) beempts gelege(n) opde inde rijsbeemde/ inde selve beemde welke goede de vors(creven) cole tot hemwert/ trecken woude met eenre guedinghe(n) die de vors(creven) marie hem/ van dien gedaen hadde voe(r) den meye(r) d(er) cap(it)le va(n) s(in)[te] lambrechts/ te ludic en(de) den scepen(en) van halen sond(er) d(er) vors(creven) marie(n) d(aer) inne/ huer tocht te hebbene niet wed(er)staen(de) dien dat t(er) selv(er) tijt/ als de vors(creven) marie de vors(creven) goede de(n) vors(creven) colen mett(er) vors(creven) guedi(n)ge(n)/ in ghiften ov(er)goedde zij alsdoen huer tocht behielt en(de) de selve cole/ hue(r) met rechte huer tocht bekinde hoe wale vand(er) tocht inde(n)/ guedi(n)gen brief vors(creven) egeen me(n)cie gemaect en was gelijc de / vors(creven) p(ro)cur(eur) der selv(er) marie(n) dat bij der wet vande(n) hove volcomelic/ gethoent heeft Es gewijst dat d(er) vors(creven) marie(n) inde vors(creven)/ goede huer tocht sal volge(n) cor(am) lyemi(n)gen roelants m(ar)sels/ col(onia) oud(erogghe) septembr(is) v[ta]