Nae dien dat come(n) sijn voir den raide vander stad de eerw(er)dighe/ h(ere)n deken(en) van ludick h(er) woute(r) van coursworm archidiaken va(n)/ famenen ende meest(er) jan ricourt canoncken van ludick t(er) eenre/ zijden ende meest(er) jan leyten gheheete(n) van hasselt in dande(re) alse/ vander betalinghen ende afquijtinghe(n) van xv rinssche gulden(en) den/ gulden(e) voir xx stuv(er)s gherekent lijft(ocht) ten live marien na(tur)lijke docht(er)/ des voirs(creven) meest(er) jans ende katline(n) machiels marten desselfs meest(er)/ jans die stas van heymslaken diene(r) der voirg(enoemde) h(ere)n bij hue(re)n/ beheete bekent hadde ende voir de selve xv rinssche gul(den) ende/ oic noch voir x rins gul(den) lijftochte(n) te xxii stuv(er)s t(er) meerder/ vestich(eit) zeke(re) juweelen toebehoren(de) der cap(it)len der kercke(n) va(n) ludick/ met rechte in handen meest(er) jans van hasselt ghesedt hadde ghelijck/ dat voirde(r) begrepe(n) es inde voirs(creven) brieve staen(de) xvi daghe in octob(ris)/ anno lxiiii Aldair de selve h(ere)n seyde(n) dat sij den voirg(enoemde) meest(er) ja(n)ne/ van hasselt betali(n)ge [gedaen] hadde(n) ende affquiti(n)ghen vanden xv rins gul(den)/ voirs(creven) metten p(ri)ncipalen ghelde ende met vollen pachte ende dat/ meest(er) jan van hasselt dat ontfaen hadde ende dair mede doen/ te vreden was ende dair nae de brieve in hande(n) h(ere)n wout(er)s van/ coursworm voirs(creven) ghelev(er)t ende ov(er)ghegheve(n) ende dat die geca(n)celleert/ wae(re)n dwelke nochtan niet wederstaen(de) de voirs(creven) meest(er) jan hen/ weyg(er)de de juweelen dair voe(r) v(er)pant ov(er) tegheven Dair op de/ selve meest(er) jan van hasselt seyde dat hij voir de voirs(creven) lijft(ocht)/ ghegeve(n) hadde cusbair ghelt ende nae de valuacie vanden lande/ doen loepen(e) ende dese pe(n)ninghe die hij nu ontfanghe(n) hadde wae(re)n/ hem gherekent vele hog(er) dan de valuacie vanden lande ghedraeght/ ende ten meerde(re)n prijse dan sijn pe(n)ninghe(n) die hij dair voe(r) gaff/ Segghen(de) oic al mochte(n) de brieve ghecancelleert sijn soe hadde/ hem nochtan de voirs(creven) h(er) woute(r) toegheseegt de brieve in rechte/ te bringhen(e) dienen(de) voir meest(er) janne van hasselt in manie(re)n/ oft sij niet ghecancelleert en wae(re)n dwelck h(er) wouter ontkinde/ Seyde oic mede de selve meest(er) jan van hasselt dat de h(ere)n van/ sinte lambrecht hem eyghene brieve bekint en hebben noch gelufte
//
ghedaen Meynen(de) dair o(m)me opden vors(creven) stas voort te/ varen met obligacie(n) van instrume(n)te(n) die hij op hem/ spreken(de) hadde soe es ten uut(er)sten get(er)mineert dat de/ voirs(creven) juweelen vanden vors(creven) xv rins gul(den) ombelast zulle(n)/ blive(n) ende dair aff gheabsolveert mair voort blive(n) in/ handen van meest(er) janne van hasselt tot behoef vande(n) x/ rins gul(den) lijft(ocht) soe dat nae recht behoirt Ende heeft meest(er)/ jan van hasselt den vors(creven) h(er) woute(re)n yet aen te spreken(e) vande(n)/ toeseggen(e) vors(creven) dat hij dat doen mach Vanden welken h(er)/ woute(r) t(er) eenre ende meest(er) jan vors(creven) t(er) ande(re) tgherichte alh(ier)/ aenghenome(n) hebben cor(am) d(omi)no joh(ann)e ex lyeminghe(n) (et) petro vand(er)/ hoeve(n) burg(imagistris) et aliis de pleno (con)silio no(vem)[b(ris)] xviii