It(em) al eest alsoe dat roeloff roeloffs opden dach van heden arnde vand(er)/ berct voir scepen(en) van loeven(e) ten erfchijse uutgegheve(n) heeft twee huysen/ neve(n) een gelege(n) mette(n) hove en(de) and(ere)n hue(re)n toebehoerte(n) voe(r) en(de) acht(er) geleghe(n)/ inde(n) wierinck opde(n) hoec ald(aer) tussche(n) die goede wijle(n) wout(er)s wijlen/ blanckaerts en(de) de dile aldair vlieten(de) bide(n) p(re)dike(re)n te loeven(e) met geluften/ van genoechdoene en(de) waerscap d(aer) af te geloven(e) die wara(n)dere(n)de op ii/ oude groote die tgroet gasthuys te loeven(e) inde steenstrate d(aer) aen heeft/ alse op alle com(m)er d(aer) uutgaende Soe heeft nochta(n) de selve roeloff/ ge(con)senteert en(de) ov(er)gegeve(n) dat den selven arnde volge(n) sulle(n) de principale/ originale brieve de(n) voirs(creven) goede(n) aengaen(de) mette(n) brieve(n) inhouden(de) de/ geluften van warantscape en(de) genoechdoene die den voirs(creven) roelove van/ andriese ylkarts ten selve(n) rechte ov(er)gegeve(n) sijn o(m)me deselve gelufte(n)/ te volgene opde ghene d(aer) af de selve andries te voe(re)n trecht hadde/ Behoudelic dat de selve arnt ghehoude(n) sal sijn voir hen sijn erve(n) en(de)/ naecomelinge(n) in gevalle oft deselve arnt in gebreke wae(r) van gelufte(n)/ van genoechdoene en(de) warandeerscape die hem de voirs(creven) roeloff vande(n)/ voirs(creven) goede(n) gedaen heeft en(de) mids den selve(n) gebreke opde(n) voirs(creven) roelove/ oft sijn erfgename(n) volghde met rechte dat indien gevalle de selve/ arnt voir hen sijn erve(n) en(de) naecomeli(n)ge(n) gehoud(en) sal sijn de voirs(creven) scepen(en)/ brieve den voirs(creven) roelove bide(n) voirs(creven) andriese ov(er)gegeve(n) voir oge(n) te/ bri(n)gene en(de) die den selve(n) roelove oft sine(n) erfgename(n) in rechte/ laten te gebruyke(n) op en(de) ov(er) de gene d(aer) dat nae recht op sal behoe(re)n/ dwelc de selve arnt den voirs(creven) roelove en(de) sine(n) naecomelinge(n) alsoe/ toegeseeght heeft en(de) geloeft te doene cor(am) eisd(em)