Nae dien dat comen sijn voir den raide vander stad woute(r) vanden tymple/ in deen zijde ende jan vander varent becke(r) in dand(er) zijde ald(aer) hem de voirs(creven)/ woute(r) beclaeghde ende becroende dat de voirs(creven) jan vander varent acht(er) sijn huys/ gheleghen inde dorpstrate ende acht(er) comen(de) met sine(n) hove oft plaetssen aent/ huys des voirs(creven) wout(er)s aldair hielt mest verkene bij ende naist den huyse/ des voirs(creven) wout(er)s dair grote onreynicheit mede quam lijden(de) over de goide/ des voirs(creven) wout(er)s met den wate(r) dat dair schuld(ich) es te gane ende oic/ grote onv(er)drachelijke stancken ind(er) came(re)n van wout(er)s huyse uut(er) verkenscoyen/ ende meer als die verkene uutghedreve(n) wordde(n) Soe es ov(er)draghen dat de voirs(creven) jan ald(aer) eghene verkene meer houden en sal cor(am) lyeminghen ouderogghe/ burg(imagistro) et aliis de consilio martii x