Allen den ghene(n) (et)c(etera) saluyt met kennissen der waerheit doen te weten(e) dat/ opden dach van heden voir ons come(n) es in p(ro)pren p(er)soene joes vakaert m(ar)scalck/ ende heeft in ald(er) best(er) forme(n) en(de) manie(re)n soe dat nae recht best mach diene(n) ende/ stat g(ri)pen gheconstitueert geordineert gesedt ende met volcomend(er) macht en(de) aucto(r)iteyt/ ghemechticht hughen van udekem substituyt smey(er)s van lov(en) woute(re)n vanden/ kerchove reyne(re)n ende willem(me) vander dijlen ghebruede(re) ende elken van hen besund(er)t/ om alle die goede en(de) p(ro)fijten der selv(er) chijsen renten erfpachte(n) lijfrente(n) en(de) schulden/ den voirg(enoemde) joese toebehoren(de) te loven(e) en(de) elswair bynne(n) den lande van braba(n)t/ gheleghe(n) ende men hem schuld(ich) es oft naemaels wesen sal te rege(re)n te manen/ teyschen op te bue(re)n ende tontfanghen aen wat goeden oft p(er)soene(n) oft te wat steden/ oft plaetssen dat dat sijn mach dair voe(r) te daghen(e) te panden(e) te beleyden(e)/ en(de) rastemente te doen legghen(e) oft and(er)ssins soe dat nae recht vand(er) plaetssen/ dair dat behoe(re)n sal oft behoeve(n) soude moghe(n) te p(ro)cede(re)ne Ende op dats noot/ ghebuerde voir alle richte(re)n gheestelick ende weerlick met rechte te v(er)volgen/ te v(er)antw(er)den(e) te beschudden(e) ende te bedingen(e) die te wynnen(e) en(de) te v(er)liesen(e)/ composicie ende mynlijk yffeninghe dair aff te maken(e) den schulde(re)n van/ des sij oft e(n)nich van hen ontfanghen sal hebben quijt te schelden(e) ende quijtan(cie)/ te gheven(e) Ende voertaen g(e)n(er)alick ende sp(eci)alick allet ghene dair inne te doene/ ende te voirde(re)ne dat de voirs(creven) joes vakaert selve soude moghen doen/ in dien dat hij selve ald(aer) teghew(er)dich ende voir oeghen wae(re) p(ro)mittens/ rat(um) (et)c(etera) due(re)nde dese voirs(creven) p(ro)curacie totten wederroepe des voirs(creven)/ joes vakaert ende niet lange(r) cor(am) ouder(ogge) burg(imagistr)[o] meld(er)t most scab(inis)/ augusti xxvii