SAL8138, Act: R°58.2-V°58.1 (91 of 416)
Search Act
previous | next
Act R°58.2-V°58.1  
Act
Date: 1468-10-14

Transcription

2020-06-15 by Christine van Thillo
Allen den ghene(n) e(t)c(etera) saluyt met kennissen doen te weten(e) dat/
opden dach van heden voir ons come(n) es in p(ro)pren p(er)soene joffr(ouwe)/
katline van bezuets weduwe matheeus wijlen de drua onse ingesete(n)/
poirt(er)sse ende heeft ald(aer) in ald(er) best(er) formen ende manie(re)n soe dat nae/
recht best mach diene(n) ende stat g(ri)pen geconstitueert geco(m)mitteert geord(ineer)[t]/
ghesedt ende met volcomend(er) auctoriteyt ghemecht(icht) arnde vanden zande/
poirte(r) der stad van loven(e) o(m)me alle de goide ende p(ro)fijten der selv(er) chijsen rente(n)/
erfpachte(n) lijfrente(n) ende schulde(n) die voirs(creven) joffr(rouw) katline(n) toebehoren(de) bynnen der stad/
van loven(e) ende elswair al brabant dore ende elde(r) te wat steden oft plaetssen/
die gelegen oft te bevi(n)den sijn oft aen wat goiden oft p(er)soene(n) dat dat sij oft gebue(re)n/
sal moghen Te manen teysschen op te bue(re)n inne te heffene ende tontfanghen/
den schuld(er)s d(aer)af quijt te schelden(e) ende quijtan(cie) te gheven(e) ende voir ghebreck/
van dien met rechte het sij met pe(n)dinghe(n) oft and(er)ssins soe dat nae recht vand(en)/
plaetssen behoirt te p(ro)cederen(e) ende vanden selven goiden ofts behoeft possessie/
voir alle wetten ende gherichten aen te nemen(e) ende te aenverden(e) inden name/
ende tot behoef der voirs(creven) katline(n) van bezuets Ende sp(eci)alick ende per expres/
alle huer haeflijke goide juweelen schulde(n) pande(n) pe(n)ninghe huysraet brieve/
ende instrumente(n) vanden lombarden huyse ghelegen te middelborch huer/
uut causien vanden selven huyse toebehoren(de) met allen rechte actien en(de) int(er)est/
ende alle ande(re) toebehoirte(n) metgad(er)s allen p(ri)vilegie(n) francisen exemptie(n) gratie(n)/
ende p(re)rogative(n) dair toe behoren(de) te v(er)coepen(e) en(de) de pe(n)ninghe dair af comen(de)/
te heffene ende te bueren(e) ende quijtan(cie) dair af te gheven(e) Ende de selve goide/
met hue(re)n toebehoirte(n) voirs(creven) voir wetten oft notarijse ende ghetuyghe(n) dair/
ende soe dat behoirt den cope(r) te cederen(e) op te dragen(e) te transfereren(e) te/
gheven(e) ende dair af volcomelick gelijc oft sij joffr(ouwe) katline dat selve gedae(n)/
hadde te vertijden(e) ende te renu(n)cieren(e) den selve(n) cop(er)e d(aer) af guedinghe en(de)/
investitucie(n) te doene ende reael possessie te v(er)lenen(e) ghelufte(n) van waerscape(n)/
voir de voirs(creven) joffr(ouw) katline te doene ende huer ende hue(re)r goide d(aer) voir/
te veroblige(re)ne ende te verbindene om die goide voir hem en(de) sine(n) erve(n) ende/
naecomelinghe(n) als sijn p(ro)pre met volcomen(en) rechte te besitten(e) en(de) te ghebruyken(e)/
zonder der voirs(creven) joffr(ouwe) katline(n) oft hue(re)n naecomelinghe(n) oft erfghename(n) d(aer)/
/ inne recht actie oft int(er)est te hebben(e) te behouden(e) oft te moghen/
eysschen(e) in e(n)nig(er) manie(re)n in toecomenden tijden Ende voirt alle/
de voirs(creven) goide als d(aer) questie af ghebuert voir alle gerichte(n) geestelick/
oft weerlick met rechte te bedingen(e) in aenspraken en(de) verantw(er)de(n)/
te comen(e) thonissen ende wairheide(en) te leyden(e) Ende alle p(ro)cessen acte(n)/
ende t(er)mijne van rechtete doene ende te houden(e) vonnissen en(de) senten(cien)/
sij sijn int(er)locuteur of diffinisijf teysschen(e) taenhoren(e) ende te v(er)wachten(e)/
het sij dat die ghegeve(n) wae(re)n voir der voirs(creven) joffr(ouwe) katline(n) oft dair tege(n) die goide te wynnen(e) en(de) te verliesen(e) Ende vanden selve(n) vo(n)nisse ter/
behoirlijker plaetssen ende totten behoirlijken richte(r) oft gherichte te/
appelle(re)n die appellacien soe ende dair dat behoirt te vervolgene/
Ende voort allet ghene d(aer) inne te doene ende te vorderen(e) beyde inde(n)/
rechte ende d(aer) buyten dat de voirs(creven) joffr(ouwe) katline(n) inden selve(n) zaken en(de)/
in des d(aer) aen cleeft oft uutspruyte(n) soude moghe(n) selve soude moghe(n)/
oft conne(n) ghedoen in dien dat sij d(aer) teghe(n)w(er)dich ende voir oeghe(n)/
wae(re) p(ro)mittens rat(um) due(re)nde e(t)c(etera) ad revoc(ati)[o(ne)] cor(am) go(defri)[do] hanck(ar)t viceburg(imagistr)[o] meld(er)t most scabinis octob(ris) xiiii[ta]
Contributorskristiaan magnus
Moderated bykristiaan magnus
Last update: 2018-08-13 by The Administrator