SAL8138, Act: R°75.1 (105 of 415)
Search Act
previous | next
Act R°75.1  
Act
Date: 1468-11-09

Transcription

2020-09-18 by Christine van Thillo
Allen den ghene(n) e(t)c(etera) saluyt met kennissen der wairheit doen te weten(e)/
dat opden dach van heden voir ons come(n) es in p(ro)pren p(er)soene woute(r) van/
vlaende(re)n vetwarier onse ingheseten poirte(r) ende heeft ald(aer) in alle der/
bester formen ende manie(re)n soe dat nae recht best mach diene(n) ende stat/
g(ri)pen gheconstitueert gheco(m)mitteert ghecordineert ghesedt ende met/
volcomend(er) auctoriteyt ghemechticht henrick van vlaende(re)n sine(n) zone/
symone watier janne logiaer rentmeest(er) tcloost(er)s van florivael janne/
lavaert [en(de)] woute(re)n woutiers ende elken van hen besund(er)t o(m)me alle de/
goide ende p(ro)fijten der selv(er) chijsen rinten pachte(n) ende schulde(n) des voirs(creven)/
woute(re)n van vlaende(re)n toebehoren(de) te wanze te grave(n) te bossuyt te/
berghe te rixensart tarkenen ende elswair al brabant dore ende elde(rs)/
te wat plaetssen die ghelege(n) oft te bevinden sijn diemen hem schuld(ich) is/
oft naemaels wesen sal te reg(er)en te manen te eysschen op te bue(re)n ende/
tontfanghe(n) aen wat p(er)soene(n) oft goiden oft te wat steden oft plaetssen dat/
dat sijn mach dair voe(r) te panden(e) te daghen(e) te beleyden(e) en(de) rastemente /
te doen leggen(e) nae ghewoenten ende costume(n) vand(er) vand(er) plaetsen dair/
dat behoren sal oft behoeren soude moghen Ende op dats noot ghebuerde/
voir alle richte(re)n gheestelick ende weerlick met rechte te vervolgen(e)/
te verantw(er)den(e) te beschudden(e) in aenlegghers oft verweerd(er)s stat te/
bedinghen(e) die te wynnen(e) ende te verliesen thonisse(n) en(de) wairheide(n)/
te leyden(e) ende vand(er) wed(er)p(ar)tijen te sien leyden(e) jeghen hue(re)n p(er)soen oft/
hue(re)n ghetuyghenissen te excipie(re)n ende te oppone(re)n composicie ende/
mynlijke yffeninghe d(aer) af te maken(e) den schulde(re)n van des sij ontfange(n)/
sulle(n) hebben quijt te schilden(e) et quijtan(cie) te gheven(e) ende vortaen/
g(e)n(er)alick ende sp(eci)alick allet ghene dair inne te doene en(de) te vorde(re)n dat de/
voirs(creven) woute(r) van vlaende(re)n selve soude moghen doen waert dat hij p(rese)nt/
en(de) voir oeghen wae(re) Gheloven(de) de selve woute(r) bij sijnre trouwen in stadt/
van eede ende opt verbant van allen sine(n) goeden teghewordich ende/
toecomen(de) tot ewighen daghen goet vast ghestentich van weerden en(de)/
onv(er)brekelick te houden en(de) te hebben allet ghene des bijden voirscr(even) p(ro)cur(eurs) oft e(n)nighen van hen hier inne ghedaen ende ghevordd(er)t sal wese(n)/
op e(n)nig(er) manie(re)n alle arghelist h(ier) inne uutghescheyden due(re)nde/
dese p(ro)curatie ende mechticheit totten werderroepen des voirs(creven) wout(er)s/
cor(am) ouderogghe burg(ismagistr)[o] l(udovico) roelofs most scabinis novemb(ris) ix
Contributorskristiaan magnus
Moderated bykristiaan magnus
Last update: 2018-08-13 by The Administrator