Het sijn comen in rechte voir meye(r) en(de) scepen(en) van loven(e) inde banck/ ald(aer) jan faets van leefdale in deen zijde ende jan van/ meerbeke van voshem in dande(r) ald(aer) de voirs(creven) jan faets den voirs(creven)/ janne van meerbeke aensprack en(de) dede segghen en(de) dede segghe(n)/ met sine(n) ghelev(er)den voirsprake dat augustijn van dormale als tochte(r)/ende jan ende peet(er) sijn kinde(re) als erfgename(n) vercocht hebben een/ wynhof met allen sine(n) toebehoirte(n) gheleghen te voshem eenen/ ghehieten janne van coudenb(er)ghe ty(n)nenpotghieter van bruessele/ ende dat de selve jan faets in tijts ende in uuren ende voir den/ uutganck vanden gheboden der selv(er) goede gout ende zilv(er) ghesedt/ heeft onder de wet ald(aer) ende sijn naederscap gheboden en(de) gep(rese)nteert/ al te voldoene des der naederscap toebehoirde ende dat hij soe v(er)re/ van dien in rechte ghep(ro)cedeert heeft dat hem sijn naederscap/ aenghewesen es ende dat hem mits dien die goede toebehoe(re)n/ biden(de) dat te thonen Seggende voorts dat dien nochtans/ niet wederstaen(de) de voirs(creven) jan faets de vruchten vanden vorg(eruerde) goede(n)/ dair nae aenverdt heeft ende die vanden goeden ghevuerdt daert hem/ gheliefde meynen(de) dai(r)e om dat hem de selve jan van meerbeke/ restitucie doen sal vanden vruchten voirs(creven) Dair om de voirs(creven) jan/ van meerbeke antw(er)de seggende dat de voirs(creven) jan faets de voirscr(even)/ pointen ne(m)mermeer ghetone(n) en sal conne(n) mair es wair dat de/ voirs(creven) jan van coudenb(er)ghe vander tijt dat hij guedinghe vande(n) vors(creven)/ goeden ontfinck totten daghe toe van heden es gheweest en(de) noch es/ in reael possessie der goide voirs(creven) Ende al mach de selve jan van/ meerbeke e(n)nighe vanden voirs(creven) vruchten ende niet al ghehanteert en(de)/ inneghevuerdt hebben soe en heeft hij nochtan dat niet ghedaen/ dan als wyn des voirs(creven) jans van coudenb(er)ghe die reael possesseur is/ der selv(er) goede ende om sine(n) loen seggen(de) voort al eest soe dat jan/ faets in sijnd(er) aenspraken seegt dat hij sijn naederscap gheboden/ heeft ende dat hem sijn naederscap met vonnissen aenghewesen/ is soe es c(on)trarie van dien wair Want die zake al noch tussche(n)/ den selven janne faets t(er) eenre ende den voirs(creven) janne va(n) coudenb(er)ghe/ / ter ande(r) zijden voir den hoff van voshem henct in ghedinghe/ ende onghesleten bieden(de) dat te thonen ende beyde p(ar)tijen/ tot hue(re)n thonisse ghewesen sijnde ende ten daghe van thonen(en)/ thonisse gehoirt sijnde zoe hebben de h(ere)n scepen(en) van loven(e)/ ter manissen smeyers ghewijst voir een vonnisse nae aensp(ra)ke/ v(er)antw(er)den ende thonisse van beyden p(ar)tijen dat de voirs(creven) jan/ faets met sijnre aenspraken te vroech op es cor(am) g(odefrido) roelofs/ meld(er)t berthem vos most dec(embris) xv