It(em) de voirs(creven) reyne(r) vanden hovelde heeft ghekint ende ghelijt dat hij/ uutten handen joffr(ouwe) lijsbette(n) voirs(creven) sijnre moeder ghehaven heeft en(de) ontf(anghen)/ de voirs(creven) x rijd(er)s ghecome(n) vanden voirs(creven) vercoepe vande(n) voirs(creven) mudde corens/ lijftochte(n) voirs(creven) Ghelovende de selve reyne(r) emonde vanden hovelde sine(n)/ brueder en(de) joffr(ouwe) lijsbette(n) sijnre zust(er) huysvrouwe reyners stoops nae der/ doot de voirg(enoemde) joffr(ouwe) lijsbetten huer(er) moeder de voirs(creven) x rijd(er)s ghecome(n)/
//
vanden vercoope voirs(creven) ende noch vijftich rinssche gulden(en) te xx/ stuv(er)s tstuck die de selve huer moeder voir den selve(n) reyne(re)n/ ter wijlen als hij te loven(e) ghevanghen sadt betaelt heeft ter/ deylinghen te bringhen(e) Ende tusschen hem en(de) sine(n) bruede(r)/ en(de) sine(n) zuste(r) voirs(creven) ghelijck ghedeylt te wordden(e) oft elken van/ emonde ende joffrouwe lijsbetten voirg(enoemt) van ande(re)n goeden alsoe/ vele dair teghen voir uut te hebben(e) ende dan voort in dande(r)/ goede des niet te myn te deylen(e) soe dat nae recht behoirt/ cor(am) eisd(em)