It(em) alse van alsulke(n) ii croene(n) elc croene voir xxiiii stuv(er)s gereke(n)t/ die henric de vleeschouwe(re) in p(rese)nc(ien) jans ouderogge burg(er)meest(er)s te love(n)/ bekinde sculdich te sijne henricke theeus heeft die selve henric de/ vleeschouwe(re) in p(rese)ncie(n) desselfs burg(er)meest(er)s geloeft den croene d(aer) af/ de(n) selve(n) henricke theeus te bet(alen) te bamisse naestc(omende) met (con)dicie(n)/ d(aer) inne bij (con)sente des vors(creven) he(n)rix theeus besproke(n) dat hij die/ binne(n) middele(n) tijde op dat hem gelieft met sagene v(er)diene(n) mach/ en(de) voir elc c(roen) afslaen vii(½) pl(a)c(ken) en(de) dand(er) croene heeft die selve/ he(n)ric de vleeschouwe(re) geloeft sijn and(er)meer aende(n) selve(n) he(n)ricke/ theeus tussce(n) dit en(de) sinxene(n) naestcom(ende) insgelijx in tafwerke met/ sagene te v(er)diene en(de) voir elc c(roen) oic afslae(n) vii(½) pl(a)c(ken) en(de)/ dat begin(n)e(nde) va(n) hede(n) in viii dage(n) en(de) [hem] die geheel weeke uut/ saghe(n) en(de) wes hij ten ynde vand(er) selv(er) weke(n) met sagene niet/ v(er)dient en heeft tsurpl(us) va(n) die(n) voldaen tussce(n) dan en(de) sinxene(n)/ te sine(n) scoenste(n) april(is) xvii vide(licet) die lune