It(em) jan die nausnide(re) becke(r) in p(rese)nc(ien) heeft ghehuert ende bekint dat hij/ ghehuert heeft teghen barbe(re)n vand(en) hoeve(n) wed(uwe) lambrecht wijlen/ van arenb(er)ghe die goide h(ier) nae besc(re)ven Inden yersten een huys met/ sine(n) toebehoirte(n) ghelege(n) inde cortstrate tussche(n) de goede jans uuten/ lyemi(n)ghe(n) in deen zijde ende jans vullincx beyde tyn(n)e(n)potghiet(er)s in/ dand(er) zijde Item een huys ende hoff met sine(n) toebehoirte(n) ghelegen/ neven s(in)te barbelen tusschen anthonijse den smet in deen zijde ende/ ende de p(er)sse op dand(er) zijde Te houden(e) ende te hebben(e) van sinte jansmisse/ lestleden eene(n) t(er)mijn van vijff jaire(n) lanck due(re)nde deen nae dand(er)/ zond(er) middel volgen(de) elcx jairs dae(re)n bynne(n) voe(r) ende om(me) xii salute(n)/ der mu(n)te(n) (et)c(etera) te xxvi stuv(er)s tstuck halff te kersmisse ende halff te s(in)te/ jansmisse te bet(alen) der voirs(creven) barbe(re)n den voirs(creven) t(er)mijn due(re)nde quol(ibe)t ass(ecutu)[m]/ Dair af de selve barbe(re) huer bekint heeft betaelt sijnde vande(n) t(er)mijne/ van kersmisse lestleden met vurw(er)den oft de voirs(creven) barbe(re) de voirs(creven) goede oft/ en(n)ighe der selve(r) bynne(n) den voirs(creven) t(er)mijne v(er)cochte dat de voirs(creven) jan dair/ af dair af de naeste sijn sal voir ghelijken prijs Met (con)dicie(n) oic oft ten/ ynde vanden vijff jaire(n) de selve barbe(re) de voirg(enoemde) goide ande(re) p(er)soene(n) v(er)huerde/ dat insgelijx de selve jan dair af de naeste sijn sal voir alsulken prijs als/ ande(re) p(er)soene(n) dat huere(n) soude(n) cor(am) vos most april(is) xx