Cont sij eenen yeghelijken dat de p(ro)viso(r)en mombo(r)en en(de) meesterssen/ vanden groten gasthuyse van loven(e) in p(rese)ncien der scepen(en) van/ loven(e) ghestaen hebben ghenomen ende bekint inden name en(de) van/ weghen desselfs gasthuys ghenome(n) te hebben(e) van roelove/ roelofs gheheeten opden kerchof de goede h(ier) ond(er) bescreve(n) den/ selven roelove toebehoren(de) Inden yersten iii(½) boender lants paulo/ gheleghen aend(er) ziekerliede bijde strate ald(aer) tusschen dmyspele(re)nstraetke(n)/ op deen zijde den wijng(ar)t meest(er) felix de hont op dand(er) zijde de goede des/ heilichs gheests van loven(e) ende tcloest(er)s vander banck opde derde zijde/ ende de strate ald(aer) gaende t(er) banck opde vierde zijde It(em) een bloexken/ lants houden(de) een dach(mael) paulo gheleghen int selve mispelte(re)n straetken/ tusschen tselve tstraetken in deen zijde de goede arnts creecmans aen dand(er)/ zijde It(em) een boend(er) lants paulo gheleghen int groesvelt tusschen/ de goede des voirs(creven) heiligheest ende arnts creecmans It(em) drie boend(er)/ wynnens lants paulo ghelegen teghen der banck ov(er) opt banckvelt/ tusschen de goede raes vander lynden op deen zijde de goede roelofs van/ berthem op dand(er) zijde de goede h(er) mychiels absoloens rydd(er)s opde derde/ zijde ende vranx willemair opde vierde zijde It(em) een halff boend(er) lants/ gheleghen opden swaluwen berch paulo tussche(n) de goede tcloest(er)s van p(er)cke/ ende de goede tcloest(er)s van ouderghem It(em) (½) boend(er) lants gheleghe(n) opde(n)/ selven swaluwenbergh tusschen de goede roelofs van berthem aen deen zijde/ ende de goede die gheert vand(er) ca(m)men vanden cloeste(r) van p(er)cke in pechtinge(n)/ hult aen dand(er) zijde It(em) een boend(er) lants paulo ghelegen op de maleyse/ tusschen de goede joes absoloens rintmeest(er)s van loven(e) ende den winxelsche(n)/ wech Item noch (½) boend(er) lants gheleghen opde maleyse tusschen de goede/ tcloest(er)s van sinte g(er)truyden te loven(e) ende de goede raes wijlen van malevien/ Te houden(e) te hebben(e) ende te wynnen(e) van sinte denijsmisse naestc(omende)/ eenen t(er)mijn van seven(en)twintich jairen lanck emp(er)lijck due(re)nde elcx jairs/ dae(re)n bynnen o(m)me ende vore eenentwintich mudden rox goet en(de) paijabel/ met wanne en(de) met vede(re)n wel bereyt der maten van loven(e) alle jaire/ tsinte andriesmisse ap(oste)ls te betalen(e) ende te loven(e) t(er) woninghen des vors(creven)
//
roelofs te leveren(e) den voirs(creven) t(er)mijn due(re)nde ende telken t(er)mijne/ als vervolghde schout alsoe dat hij bynnen der selv(er) pechtinghe(n)/ heffen sal xxvii pachte(n) dair af den yersten vallen en(de) v(er)schine(n)/ sall van sinte andriesmisse naestc(omende) over een jair ende es vurw(ee)rde/ dat de voirs(creven) p(ro)viso(r)en mombo(r)en ende meest(er)ssen alle jaire den/ voirs(creven) t(er)mijn due(re)nde de voirs(creven) lande bij hue(re)n wynnen wel ende/ loflick sullen doen wynnen ende werven ghelijck reghenoeten bove(n)/ ende beneden Ende de selve goede alsoe wale de verste als de naeste/ bynnen den voirs(creven) t(er)mijne vierwerff telken male int gheheele wel/ ende loflick met goeden meste ov(er)mesten Te weten telken vi jairen/ eens bynne(n) den yersten xviii jairen ende eens bynne(n) den lesten drie/ jairen Ende tot hue(re)n affscheyd(en) sullen sij die goede laten ghelijck/ h(ier) nae bescreve(n) steet Te weten(e) i(½) boend(er) lants als vanden iii(½) boend(er)/ lants voirs(creven) ghelegen aender ziekerliede met t(er)wen besaet ende dander/ twee boender dair af besaeyt met rogghe It(em) tvoirs(creven) bloexken lants/ houden(de) een dach(mael) brake eens o(m)me ghedaen It(em) tvoirs(creven) boender lants/ gheleghen int groesvelt gheeheel brake It(em) de voirs(creven) iii boend(er) lant/ gheleghen teghen ov(er) der banck gheheel stortte It(em) beyde de halff/ boende(re)n gheleghen opden swaluwenberch met rogghe besaeyt ende/ tvoirs(creven) boend(er) lants ende thalff boend(er) lants beyde opde maleyse gelegen/ gheheel stortte uutghescheyden de groeve die int voirs(creven) boend(er) lants/ uutghevloten es omtrent xx roeden groet die sij tot hue(re)n affscheyden(e) sal/ laten moghen Ende dese voirs(creven) vurw(eer)den hebben de voirs(creven) p(ar)tijen malcanderen/ ghelooft te voldoene tallen tijden ende t(er)mijne(n) als die vallen en(de) verschine(n)/ zullen ende telken t(er)mijne als v(er)volghde schout cor(am) meld(er)t beerthen maii xiii