It(em) nae dien dat willem coppens van bethekem voir ghebreck/ van betalinghen van x hollan(sche) gul(den) ende xvi clinckaerde die hem/ schuldich was lambracht wan wynghe met rastementen met de/ wet van aerschot gheprocedeert hadde op zeke(r) coren ende ande(r)haeflijke/ goede die de voirs(creven) lambrecht tot aerschot ten huyse jans vander donck/ ligghende hadde ende hem die goede nae drie ghenechte(n) dair op/ ghehouden nae recht aenghewesen wae(re)n tot sijnre schout behoef en(de)/ cost ende co(m)me(r) dair op geloepe(n) met rechte die hij met sijnre eedt/ groetste ghedraghen(de) boven alle betalinghe dair op ghedaen t(er) su(m)me(n)/ van x hollan(sche) gul(den) ende xvii clinckaerde te xiiii stuv(er)s den clinck(ar)t gerekent/ ende die voirs(creven) lambrecht de voirs(creven) zake nae dat tvoirsc(reven) vo(n)nis gelope(n)/ was als poirte(r) hadde doen betrecken voir meye(r) ende scepen(e) van loven(e) Soe/ sijn die voirs(creven) willem coppens ter eenre ende henrick van redinghen/ behoude zone lambrechts van wynghe voirs(creven) inden name en(de) van wege(n)/ desselfs lambrechts in dande(r) come(n) voir den raide vander stad aldair bij/ consente van beyde(n) p(ar)tijen gheappoenteert es dat de voirs(creven) henrick van/ redinghen den voirs(creven) willeme betalen sal x hollan(sche) gul(den) ende xiiii/ clinckarde te xiiii stuv(er)s tstucke half te liechtmisse ende halff te/ sinte jansmisse naestcomen(de) ende den cost van rechte tot aerschot/ ghedaen quol(ibe)t ass(ecutu)[m] dwelck de voirs(creven) henrick alsoe t(er) pr(esen)tien vanden/ raide gelooft heeft te [vol]doene cor(am) d(omi)no jacobo ex lyeminghe(n) ouderogghe/ burg(imagistris) et aliis de pleno consilio oct(obris) xxvii