It(em) arnt van bruesselle wonen(de) te tieldonc in p(rese)nc(ia) d(er) scepen(en) van loven(e)/ gestaen heeft geloeft voir hem sine(n) erve(n) en(de) nacomelingen wille(m)me/ vanden hovelde inde(n) name en(de) tot behoef des huys van sinte jans in/ jh(e)r(usa)l(e)m opde borch te loven(e) dat hij alsulke xiii molevate(n) rox erfs/ pachts als hij den selve(n) huyse jairlix en(de) erflic sculd(ich) is van en(de) uute/ eene(n) halve(n) boend(er) lants met eene(n) huse d(aer) op staen(de) geleg(en) inde p(ro)chie/ van tieldonc vors(creven) t(er) plaetsen geheten te goethem tussche(n) de strate ald(aer)/ in deen zijde en(de) de goede arnts va(n) bruesselle vors(creven) in dand(er) zijde/ jairlix en(de) erflic ts(in)t andriesmisse apostels betalen sal en(de) te loven(e)/ inden huse vors(creven) opde borch leve(re)n sal en(de) telken t(er)mijne als/ v(er)volghde schout En(de) o(m)me den selve(n) huyse meerd(er) vestich(eit) vande(n)/ /vors(creven) erfpachte te doene heeft geloeft de(n) vors(creven) arnt t(er) manisse(n)/ des vors(creven) willems oft des p(ro)cur(eur)s des selfs huys in tijde(n) sijnde te/ comen voir hof en(de) hee(r) en(de) ald(us) wettelike(n) v(er)oblige(re)n en(de) v(er)ond(er)pande(n)/ iii vierdel lants geleg(en) inde vors(creven) p(ro)chie naest den goede vorscr(even)/ met geluften van genoechdoene d(aer) af te gelove(n) en(de) op des he(re)n/ grontchijs als voir alle co(m)mer d(aer) voe(r) uutgaen(de) te warande(re)n alsoe/ dat den vors(creven) huyse vast en(de) sek(er) sijn sal tot ewige(n) dagen/ cor(am) l(udovico) roelofs berthem no(vem)[b(ris)] xxi