It(em) arnt van thienen zone henricx van thiene(n) wonen(de) te cortbeke ov(er)dijle/ wout(er) van thiene(n) wonen(de) te vaelbeke opt sandeken brueder des vors(creven) aerts/ jan nots wonen(de) tsint jorijs weerde swag(er) desselfs arnts ende jan van dieve(n)/ zone henricx wijlen van dieve(n) wonen(de) te cortbeke voirs(creven) hebben ghelooft/ onghesund(er)t ende onv(er)scheiden ende elck voir al arnde ruwiers zone denijs/ ruwiers ende gheerde die scoesitte(re) oft den eene(n) van hen bring(er) sbriefs/ als vanden houwe van drie boende(re)n boschs luttel myn oft meer des vors(creven) denijs ende gheerts ghelegen te huldenb(er)ghe ter plaetssen gheheeten ter/ heyden Te weten(e) voir elck boend(er) xiiii rinssche gul(den) van goude goet/ ende ghinghe xx stuv(er)s voir elken der vors(creven) rins gul(den) gherekent te bamisse/ naestc(omende) te bet(alen) ende inden wissel te loven(e) te leveren(e) als vervolghde schout
//
opde vurw(er)den hier ond(er)bescreve(n) Inden yersten datmen tvors(creven)/ bosch int gheheel ov(er)meten sal ende dat ghedaen dat de vors(creven)/ ghelovers dair af leveringhe ontfanghen sullen bynne(n) vreets/ ende voir de fauten bynnen hebben een dach(mael) ende oft alsdan des/ vors(creven) boschs bynne(n) vreets meer oft myn wordden bevonde(n) houden(de)/ ind(er) maten dair vors(creven) es dat de vors(creven) schuld(er)s nae de ghelande/ van dien meer ende myn betalen sullen elck boend(er) gherekent/ als voe(r) It(em) dat de selve schuld(er)s int groothout vanden vors(creven)/ bossche ouder sijnde dan den houw egheen recht noch sacht/ hebben in sullen ende dat sij tselve bosch ruyme(n) en(de) afhouwe(n)/ sullen ghelijck hue(re)n reghenoeten cor(am) absoloens vos dec(embris) v[ta]