Cont zij allen liden dat wout(er) dries [sone jans dries] woenende te pellenberch/ in p(rese)ncien der scepen(en) van loven(e) ghestaen heeft genome(n) en(de) bekint/ dat hij genome(n) heeft van roeloeve vander elst uut [name] en(de) van weghen/ der vrouwen en(de) convente des godshuys vanden wyttevrouwe(n) bynne(n)/ loven(e) thoff den selve(n) godshuys toebehoe(re)nde gelege(n) te pellenberch mette(n)/ huysen hoven wynnende lande beempden eeuselen ende allen sijne(n) toebehoirte(n)/ gheheete(n) ten bossche Te houde(n) en(de) te hebben en(de) te wynnen van halfmerte/ naestcomen(de) eene(n) t(er)mijn van tweelf jae(re)n lanc due(re)nde elx jaers dae(re)nbynne(n)/ o(m)me en(de) voe(re) vijfthien mudde(n) harts corens goet en(de) payabel der maten / van loven(e) tsinte andriesmisse apostels te betalen en(de) te loven(e) int voirs(creven)/ cloest(er) te leve(re)n ende om elff gulden(en) scilde te weten(e) tween(de)veertich plecken/ payments voe(r) elcken scilt gereke(n)t tsinte m(ar)tensmisse inde(n) wynt(er) te betalen/ jarlijx den voirs(creven) t(er)mijn due(re)nde telcken t(er)mijne als vervolghde schout/ Item es vorwerde dat de voirs(creven) wynne alle jare coepen sal int voirs(creven)/ hoff dertich mandelen stroes oft d(aer) voe(r) dertich voede(re)n mests des hem
//
best gelieft ende opt voirs(creven) lant voe(re)n Item es vorwerde waert dat sake/ dat de voirs(creven) wyn e(n)nighe(n) mergel opde cule halen woude dat dien/ tcloester betalen sal Item sal de voirs(creven) wyn alle jae(re) leve(re)n int/ voirs(creven) hoff vijfventwintich busselen walme(re) o(m)me die huysinge ald(aer)/ mede te decken ende alsmen die daer verdecken plecken oft oude/ ty(m)m(er)inge maken sal sal de voirs(creven) wyn den werckliede(n) den montcost geve(n)/ en(de) tvoirs(creven) cloester de dachue(re)n Item sal de voirs(creven) wyn alle de voirs(creven)/ huysinge houden op sine(n) cost vander underster rikelen ned(er)weert/ Item sal de voirs(creven) wyn allet tfruyt opt voirs(creven) hoff wassende moete(n)/ doen leve(re)n en(de) aflezen ter eerden ten behoirlike(n) tijde en(de) dat gedaen/ sullen tvoirs(creven) godshuys ende de wynne dat [te] gelike deylen ende/ tgedeelte des voirs(creven) godshuys sal de voirs(creven) wynne te lovene op/ sijne(n) cost leve(re)n Item sal de voirscreven wyn opde voirs(creven) goede moeghe(n)/ struncken alle truncboome ende struvellen ter mynster schade(n) tot/ zijnd(er) berringhe(n) behoeff It(em) sal de voirs(creven) wynne alle de ooftboome/ die opt voirs(creven) goet verdroegen moghen afhouwen bij alsoe dat hij/ voe(r) elcke(n) verdroeghde(n) boem setten sal twee jonghe boeme vanden/ selven aerde Item sal de voirs(creven) wynne alle de voirg(enoemde) lande wel en(de)/ loflijc wynne(n) werve(n) en(de) mesten gelijc regenoete(n) boven en(de) benede(n)/ Item is vorwerde dat de voirs(creven) wyn alle de voirs(creven) lande laten sal/ ten uutgave van sijne(n) voirs(creven) t(er)mijne gelijc hij se aenvert heeft/ te weten(e) den wynt(er) aert houden(de) sesse boende(re)n met rogghe/ besayt op vier ghetidage voe(re)n de brake en(de) somerart eens/ omgedaen Ende alle dese vorwerde(n) condicien en(de) gelufte(n) voirs(creven) heeft/ gelooft de voirs(creven) wyn den voirs(creven) roelove inde(n) name als boven/ tallen tijde(n) te voldoene en(de) telke(n) t(er)mijne als vervolghde schout/ cor(am) g(odefrido) roelofs most decemb(ris) ix/ / 98.3vo/ It(em) es de schoutbtief bekint om(m)e d(aer) mede te v(er)halen alle vurwe(rden)/ ende ghebreken spruyten(de) uut(en) pechtinghen voirs(creven) met alle coste en(de)/ com(m)e(r) cor(am) eisd(em)