SAL8138, Act: V°5.1 (8 of 415)
Search Act
previous | next
Act V°5.1  
Act

Transcription

2019-06-23 by kristiaan magnus
Allen den ghene(n) die dese l(ette)ren sullen sien oft hoe(re)n lesen burg(er)meest(ere)n/
scepen(en) en(de) raid d(er) stat van loven(en) saluyt met ke(n)niss(en) d(er) wairh(eit) doen/
te wetene dat opden dach va(n) heden voir ons come(n) is in p(ro)pe(re)n p(er)soene/
goort vanden meervynne van buedel nu t(er) tijt wonen(de) tarsch tant/
werpen ende heeft gec(on)stitueert gesedt en(de) volcome(n) macht gegeve(n)/
ja(n)ne vand(er) haghen gelaesmake(r) oic wonen(de) tantwerpen o(m)me alle/
des goede des voirs(creven) goerts goede chijsen rinten erfpachte(n) lijfrente(n) jaer/
gulden en(de) sculden te buedel te waenrode en(de) d(aer) omtre(n)t en(de) elswair/
binnen den lande va(n) brabant gelegen en(de) men hem sculd(ich) is oft namaels/
wese(n) sal te rege(re)n te manen teisschen optebue(re)n en(de) tontfangen/
aen wat p(er)soene(n) oft goeden oft te wat steden oft plaetsen dar/
dat nu sijn mach dair voe(r) te panden te dagene te beleidene en(de)/
rasteme(n)te te doen legge(n) nae gewoente en(de) costume vand(er) plaetse(n)/
d(aer) dat behoe(re)n sal oft behoeve(n) soude moghen en op dats noot/
gebuerde voir alle rechte(re)n geestelic ende weerlic met rechte te/
v(er)volgene te v(er)antwerdene te bescuddene ende in aenlegg(er)s oft v(er)weerd(er)s/
stat te bedingene die te wynne(n) en(de) te v(er)liesen thonisse en(de) waer/
heide(n) te leid(en) en(de) vand(er) wed(er)p(ar)tije(n) te sien leiden jege(n) hue(re)n p(er)sone(n)/
oft getuygenisse(n) te excipieren(e) en(de) te oppone(re)n composicie en(de)/
mynlike yffeni(n)ge d(aer)af te maken den sculde(re)n va(n)des hij ontfa(n)ge(n)/
sal quijt te scelde(n) en(de) quitan(cien) te geve(n) en(de) de omberuerlike goede/
des voirs(creven) goorts in jar eene(n) t(er)mijn va(n) vi jare(n) uut te geve(n) te/
v(er)pachte(n) en(de) te v(er)hue(re)n en(de) voirtaen generalic en(de) specialic alle/
tgene d(aer) inne te doene en(de) te vorde(re)n dat de selve goort selve/
soude moge(n) doen waert dat hij tegeword(ich) en(de) voir oge(n) ware/
Geloven(de) de vor(creven) goort bij sijnre trouwe(n) in stat va(n) eede en(de)/
op tverbont va(n) alle(n) sine(n) goed(en) beruerlic en(de) omberuerlic tegeword(ich)/
en(de) toec(omende) tot ewige(n) dage(n) goet vast gestentich va(n) weerd(en) ende/
onv(er)brekelic te houd(en) en(de) te hebben alle tgene des bide(n) vors(creven) ja(n)ne/
vand(er) haghe(n) h(ier) inne gedae(n) en(de) gevord(er)t sal wese(n) alle argelist h(ier)/
inne uutgesceid(en) due(re)nde dese voirs(creven) p(ro)cu(ra)cie en(de) mechtich(eit) tege(n)/
wed(er)roepe des voirs(creven) goorts en(de) niet lang(er) cor(am) oude(rogge) burg(imagistr)[o] berthe(m)/
most scab(inis) junii ult(ima)
Contributors
Moderated bykristiaan magnus
Last update: 2019-05-29 by The Administrator