Cont zij allen lieden dat een deilinghe en(de) sceydinge gesciet en(de) gemaect/ sijnde tusschen he(re)n ja(n)ne p(ri)ste(r) en(de) wille(m)me v(an) dongelberghe gebruede(re)/ kinde(re) willems wile(n) van dongelberghe ren(un)cie(re)nde de vors(creven) h(er) jan in dese(n)/ d(er) vrijheid en(de) p(ri)vilegie(n) vande(r) univ(er)siteit van loven(e) in deen zijde ja(n)ne/ va(n) kesselle yden va(n) valke(n)borch sine(n) wijve peet(ere)n va(n) valke(n)borch hue(re)n/ brued(er) kinde(re)n laureys wile(n) va(n) valke(n)borch en(de) ja(n)ne vande(n) berghe/ ind(en) name en(de) va(n) wege(n) m(ar)griete(n) vande(n) b(er)ghe sijnre docht(er) die hij/ hadde va(n) m(ar)griete(n) wile(n) va(n) valke(n)borch sijnre huysvrouwe(n) sust(er) der/ vors(creven) yde(n) en(de) peet(er)s ond(er) huer daghe sijnde in dand(er) zijde alse va(n)d(en) / goeden h(ier) ond(er) bescr(even) die de vors(creven) p(ar)tije(n) te same(n) houden(de) waren/ Inde(n) ierste(n) va(n) iiii huysen neve(n) een gelege(n) met hue(re)n toebehoirte(n)
//
opde vedem(er)ct te loven(e) tussche(n) de goede die ware(n) meest(er) claes lobbele/ p(ri)st(er)s nu h(er) symoen sampeyns aen deen zijde en(de) de strate gaen(de) ten/ beghijnhove weert aen dande(r) zijde It(em) vand(er) helicht va(n) eene(n) huse/ en(de) hove gelege(n) ald(aer) naest den goede(n) jans mette(n) gelde d(aer) af dand(er)/ helicht joese absoloens toebehoe(re)nde is It(em) van eenen huse en(de) hove met/ sine(n) toebehoert(en) gelege(n) opde selve vedem(er)ct naest den huyse en(de)/ hove des vors(creven) jans mette(n) gelde It(em) va(n) eene(n) hove houden(de) xxxvi(½) roede(n) luttel min oft meer gelege(n) in hekelsbog(ar)t naest de(n) goeden/ d(er) vrouwen e(n)nekens It(em) van eenre halv(er) crone(n) erfchijs en(de) rinte(n)/ alle jare(n) sint jansmisse te bet(alen) aen en(de) op (½) boend(er) boschs gelege(n)/ te betheke(m) dat lijsb(et) vande(r) strate(n) houden(de) is de vors(creven) goede in/ twee porceele(n) gedeilt sijnde Soe sijn bleve(n) en(de) gevalle(n) den vors(creven)/ twee gebruede(re)n van dongelb(er)ge te same(n) in huer deilinge alse/ vanden goede(n) vors(creven) de goede h(ier) nae bescr(even) Inden iersten twee/ huyse neve(n) een gelegen met hue(re)n toebehoerte(n) alse vanden vors(creven)/ viere huysen te wete(n) die twee huysen die gelege(n) sijn ten/ goeden weert aen des vors(creven) h(er) symoen sampeyns gelijk(er)wijs de/ selve twee huysen vanden and(ere)n twee huysen met zeke(re)n wa/ wenden v(er)sceiden sijn It(em) tvors(creven) huys en(de) hoff gelege(n) tusscen tvors(creven)/ half huys in deen zijde en(de) de goede des vors(creven) jans mette(n) gelde/ aen dand(er) zijde It(em) de vors(creven) half croene erflic aen en(de) op/ tvors(creven) (½) boend(er) boschs gelegen als voe(r) Voerts sijn bleven/ en(de) gevallen den vors(creven) ja(n)ne van kesselle met yden va(n) valken/ borch sine(n) wijve peete(re)n van valkenborch en(de) ja(n)ne vanden b(er)ghe/ ind(en) name d(er) vors(creven) m(ar)grieten sijnre docht(er) in sinen broode sijnde/ te same(n) in huer deilinge als vanden goeden vors(creven) den goede/ h(ier) nae bescr(even) Inden iersten dande(r) twee huyse neve(n) een gelege(n)/ als vanden iiii huysen vors(creven) te wete(n) die twee huyse die gelege(n)/ sijn ten beghijnhove wert aen gelijc de selve ii huyse vande(n) and(ere)n/ ii huysen vors(creven) den vors(creven) gebrued(ere)n v(a)n dongelb(er)ge in hue(re)r deilinge(n)/ gevalle(n) sijnde met zeke(re)n wenden v(er)sceiden sijn It(em) tvors(creven) halff/ huys gelege(n) als voe(r) d(aer) af dand(er) helicht den vors(creven) jose absoloens/ toebehoert It(em) den vors(creven) hof gelegen in hekelsbog(ar)t op allen den
//
co(m)mer en(de) last uute(n) selve(n) hove uutgaen(de) ten behoirlike(n) tijde(n) te bet(alen)/ op alsulke(n) vurw(er)de en(de) c(on)dicie oft de vors(creven) m(ar)griete vand(en) b(er)ge docht(er)/ des vors(creven) jans aflivich worde sond(er) wettige gebuerte va(n) hue(re)n live acht(er)/ te late(n) dat dan tgedeelte d(er) selv(er) m(ar)griete(n) blive(n) [vanden vors(creven) goede(n)] blive(n) en(de) v(er)sterve(n) sal/ opder vors(creven) yden en(de) peet(ere)n en(de) hue(re)n erfgename(n) en(de) is in des(er) deilingen/ tusschen de vors(creven) p(ar)tijen clairlic bevorwert en(de) ond(er)sproke(n) dat sij/ alle den co(m)mer en(de) last uut allen den vors(creven) huysingen en(de) oic uuten/ vors(creven) halven huyse uutgaen(de) alsoe wale de twee rins gul(den) lijfr(ente)/ die jan van oppendorp ten live m(er)tens en(de) thomaes gebruede(re) sijnre/ kinde(re)n d(aer) aen heeft aende selve huyse oft enige d(er) selv(er) houden(de) / is ten behoirlike(n) tijde(n) gelden en(de) betale(n) sulle(n) te wete(n) de vors(creven) gebr(uederen)/ va(n) dongelb(er)ge deen helicht en(de) de vors(creven) jan va(n) kesselle met yde(n)/ sinen wijve peet(er) van valkenborch en(de) jan vande(n) b(er)ge va(n) wege(n)/ sijnre docht(er) vors(creven) dand(er) helicht d(aer) af erflic in toecomen(de) tijde(n) En(de)/ in vestich(eit) en(de) meerd(er) zekerh(eit) van desen hebben de vors(creven) p(ar)tije(n) malca(n)d(ere)n/ de vors(creven) huer goede bij orlove she(re)n vande(n) gronde tond(er)pande gesett/ en(de) v(er)bonde(n) en(de) dese deilinge ald(us) behoirlic gesciet sijnde hebben geloeft/ de vors(creven) p(ar)tijen in beiden zijden te wete(n) de vors(creven) jan vande(n) b(er)ge va(n)/ wegen d(er) vors(creven) m(ar)grieten sijnre docht(er) renu(n)cie(re)nde de vors(creven) h(er) jan va(n)/ dongelb(er)ge tot desen de p(ri)vilegie(n) der univ(er)siteit van loven(e) te mal/ cande(re)n vast gestentich en(de) omv(er)brekelic te houden en(de) te voldoen/ elc op des and(er)s gedeelte behoirlic v(er)tijende en(de) altoes h(ier) af/ genoech te doene waert dat he(m) iet te nauwe gesciet wae(r)/ te wete(n) elc van hen alsoe v(er)re hem dat aengaet en(de) niet/ vord(er) alsoe dat elke(n) van hen voir hem sijn erve(n) en(de) naec(omelingen) vast/ en(de) zek(er) sijn moge tot ewige(n) dage(n) Voert heeft geloeft de/ vors(creven) jan vand(en) b(er)ge te v(er)vane [en(de) in dien te hebben] d(er) vors(creven) m(ar)griete(n) sijnre docht(er) ond(er)/ huer dage wesende soe wa(n)neer sij tot hue(re)n mondige(n) dagen/ come(n) sal sijn dat sij dan t(er) manisse d(er) vors(creven) p(er)sone(n) opde vors(creven)/ goede [r(e)nu(n)cie(re)n en(de)] v(er)tijen sal en(de) de vors(creven) deilinge gelove(n) va(n) weerde(n) te houde(n)/ gelijc vors(creven) steet cor(am) l(udovico) roelofs most julii xii