It(em) de vors(creven) gheert ymbrechts jan ymbrechts en(de) jan vand(er) bueken/ in meerd(er) vestich(eit) vand(er) vors(creven) geluften d(er) hond(er)t en(de) xx scilde vors(creven)/ den vors(creven) ja(n)ne dond(ere) te doene hebben [sij] geloeft t(er) manissen desselfs jans/ dond(ere) te come(n) voe(r) de wet te campenhout ald(aer) huer goede gelegen/ sijn en(de) een yegelijc van hen hem ald(aer) met rechte v(er)oblige(re)n en(de) te/ pande sette(n) voir de gelufte d(er) c en(de) xx scilde vors(creven) o(m)me die betaelt/ te worden ten t(er)mijne vors(creven) alle de selve sijn goede have en(de) erve met/ gelufte(n) va(n) genoechdoene te geloven(e) alsoe dat de(n) selve(n) ja(n)ne vast/ en(de) zeke(r) sal moge(n) sijn o(m)me de selve schult met rechte d(aer) aen te/ v(er)halene met alle coste en(de) co(m)me(r) va(n) rechte die d(aer) op loepen oft ge/ bue(re)n sal mogen t(er) goed(er) meyni(n)ghen en(de) sond(er) argelist cor(am) eisd(em)