It(em) es tusschen den vors(creven) ja(n)ne ylkarts t(er) eenre en(de) joese va(n) oerbeke/ inde(n) name va(n) hem selven en(de) inden name sijnre moed(er) vors(creven) die/ de selve joes in desen op hem genome(n) heeft en(de) geloeft te v(er)vane/ in dande(r) zijde en(de) bij (con)sente van beiden p(ar)tije(n) ond(er)sprec oft soe/ gebuerde dat de vors(creven) jan ylkaerts de goede willems de gruyte(re)/ ind(er) vors(creven) gued(ing)[e(n)] gespecificeert oft enige van dien voir de vors(creven)/ schult oft voir een deel d(er) selv(er) exequeerde en(de) de pe(n)ni(n)ge d(aer) af/ toeghe al eer de vors(creven) valdaghe gevallen waren dat jan ylkarts/ den selve(n) joese en(de) sijnre moed(er) aut alt(e)ri die pe(n)ni(n)ge vande(n) goede(n)/ comen(de) ov(er)leve(re)n sal niet wed(er)staen(de) dat die valdaghe noch niet/ gevalle(n) en waren vanden welken den selve joes en(de) sijn moed(er) a(ut) al(ter)i/ hem sculd(ich) sulle(n) sijn behoirlike quitan(cie) te geve(n) en(de) de goede die jan/ ylkarts d(aer) voe(r) gesett sal hebben tontlastene en(de) te absolve(re)n en(de)/ heeft geloeft en(de) toegeseet de vors(creven) jan ylkarts dat hij t(er) stont nae/ dat hij die gued(ing)[e] ontfange(n) sal hebben sijn uut(er)ste dilige(n)cie doen/ sal om die vors(creven) goede met rechte te volgen(e) en(de) die t(er) execucie te/ stelle(n)ne om die pe(n)ni(n)ge vors(creven) d(aer) aen te maken(e) en(de) die uut te rikene/ gelijc vors(creven) steet cor(am) eisd(em)