Allen den ghene(n) dien dese l(ette)ren ghetoent zullen wordden burg(er)meeste(re)n/ scepen(en) ende raid der stad van loven(e) saluyt met kennissen der waerhit doen/ te weten(e) dat opden dach van heden voir ons come(n) es in p(ro)pre(n) p(er)sone henrick/ vanden bossche apotheker wonen(de) ind(er) stad van dyest ende heeft/ in ald(er) best(er) forme(n) ende manie(re)n soe dat nae recht best mach diene(n) ende/ behoren gheconstitueert ghesedt ende volcome(n) macht ghegeve(n) meest(er)/ janne vanden bossche sine(n) zone canonck der kercken van ons(er) liev(er) vrouwe(n)/ te[maes]yke ende symone van godssenhove(n) ende elken van hen besund(er)t bring(er)/ van desen Alle ende yeghewelke [sijn] goede chijsen renten pachten jairgulde(n)/ ende schulde(n) den voirs(creven) henricke toebehoren(de) te libbeke te wynghe ter/ nuw(er)capellen etc(etera) dair omtrent ghelegen [en(de) me(n) hem ald(aer) schuld(ich) es oft naemaels twese(n)] te manen te eysschen op te bue(re)n/ ende tontfanghe(n) aen wat p(er)soene(n) oft goeden dat dat sijn mach dair voe(r)/ te panden(e) te dagen(e) [en(de)] te beleyden(e) ende rastamente te doen leggen(e) nae/ ghewoente ende costume vand(er) plaetssen dair dat behoer(re)n sal oft/ behoeve(n) soude moghe(n) Ende op dats noot ghebuerde voir alle rechte(re)n/ gheestelick ende weerlick met rechte te vervolgen(e) te v(er)antw(er)den(e) te/ bescudden(e) ende in aenleggers oft v(er)weerd(er)s stat te bedingen(e) die te wynnen(e)/ oft te verliesen(e) thonisse(n) ende wairh(eit) te leyden(e) ende vand(er) wed(er)p(ar)tijen te sien/ leyden(e) jeghen hue(re)en p(er)soen en(de) getuygenissen te excipieren(e) en(de) te opponeren(e)/ composicie ende mynlijke yffeninghe dair af maken(e) den sculde(re)n van des/ sij oft en(n)ich van hen ontfanghe(n) sal hebben quijt te scilden(e) en(de) quijtan(cie) te/ gheven(e) Ende voortaen g(e)n(er)alick ende sp(eci)alick allet ghene dair inne/ te doene ende te vorderen(e) dat de voirs(creven) henrick selve soude moghe(n) doen/ waert dat hij tegewordich ende voir oeghen wae(r) Gheloven(de) de selve/ henrick vanden bossche bij sijne trouwen in staet van eede en(de) opt v(er)bont/ van alle(n) sine(n)goede(n) teghewoirdich ende toecomen(de) tot ewigen dagen goet/ vast ghestentich ende onv(er)breckelick te houden(e) ende te hebben(e) allet gene/ des bijden voirs(creven) meest(er) janne ende symone oft den eene(n) van hen h(ier)/ inne ghedaen ende ghevord(er)t sal wesen in e(n)nig(er) manie(re)n alle argelist/ uutgescheyde(n) due(re)nde dese p(ro)cur(atie) ende mechtich(eit) totte(n) wed(er)roepe des/ voirs(creven) henricx vande(n) bossche en(de) niet lang(er) cor(am) ouder(ogge) burg(imagistr)[o] g(odefrido) roelofs/ meld(er)t scab(inis) april(is) xxi